MABAKA A MOŠOMO
LE
DITENG
Ditlhalošo
Mabaka ka kakaretšo
Pulego ya dikgoba tša mošomo
Seemo seo se lekalekanego seo se swanago
Diphetogo
Matseno
Sebopego sa Megolo le Meputso ya Bokgoni
Ponase ya Mošomo ya Ngwaga
Go šoma nako ya go fetelela (Overtime)
Tšhelete ya madulo, dijo le mosepelo
Tšhelete ya go ema o letile mošomo le ya nako ya go amogetšana ka mošomo
Retšisetara ya go ba gona mošomong
Tšhelete ya go šoma legatong la yo mongwe la motšwa o swere
MAIKHUTŠO
Melao ka kakaretšo
Maikhutšo
Maikhutšo a morago ga go šoma lebaka le le telele
Maikhutšo ka lebaka la bolwetši
Maikhutšo a go ithuta
Maikhutšo a go phetha tša lapa
Maikhutšo ao a ša lefelwego
Kalatšo, Tlhaolo le Kabelo ya Mošomo
Thwalo ya lebakanyana/ya nako ye itšeng
TŠHOMIŠO YA MATLA A BATHO
Go šuthišwa mošomong
Go adimelwa mošomo wo mongwe
Kgodišo le go thuša
Dithuto
Maikemišetšo
Dinyakwa tša pasari
Tšhelete ya pasari
Tsebišo ya dipasari
Tlhaolo ya bakgopedi
Melao ya go šomiša dipasari
Magato a magareng
Go se swane le diphetogo
LENANEO LA DINAMELWA
Lenaneo la go fiwa ga Dinamelwa
DINTLO
Melao
Lenaneo la Theko ya Dintlo
KAKARETŠO
Diiri tša go šoma
Dinyakwa tša moaparo
Tefelo ya mošomo wa ka ntle
Boleloko bja makgotla goba ditho tšeo di laolago
Boleloko bja ditho tša Seporofešenale
Kamogelo ya dimpho
Dinamelwa
Go nyamela mošomong
Maemo a mošomo
Matšatši a maikhutšo a Setšhaba le tša mmušo
LENANEOTŠHEPETŠO LA MOLAO WA KGALEMO, DINGONGOREGO LE DINGANGIŠANO
Molao wa kgalemo le lenaneotshepetšo
Lenaneotshepetšo la dingongorego
PHOKOTŠO MOŠOMONG LE GO HLOKA MOŠOMO
Matseno
Ditlhalošo
Magato ao a Swanetšego go latelwa
Magato a thibelo
Tsebišo le dikgokagano
Go bona bašomi bao ba amegago
Go hloma bašomi bao ba amegago ka dipotšišo
Tefelo ya go ntšhiwa mošomong
MATSENO
DITLHALOŠO
Ka go ditatamente ka moka tša Molaotshepetšo, melawana, melawana le Ditsebišo, ntle le ge tlhalošo e bontšha maikemišetšo ao a fapanago le ao, ditlhalošo tšeo di latelago di tla ra šeo še hlalošwago ka tlase.
Molao"
O ra Molao wa Ditirelo tša Meetse (198 wa 1997) bjalo ka ge o fetotšwe goba Molao wo mongwe wo o lego legatong la woo;
Go thiša goba go thiša mošomong kgafetša kgafetša ntle le lebaka la go kwagala goba tumelelo.
Moputso wa tlase"
E ra moputso wa ka tlase wo o sa akaretšego dialawense, diponase le dipoelo tša mošomong (fringe benefits);
Lekgotla"
E ra Lekgotla la Ikangala la MeetŠe bjalo ka ge le beilwe molaong ke Letona la Merero ya Meetse le tšŠa Dithokgwa;
E ra lebaka leo le thomago letšatšing la mathomo go fihla go la mafelelo la dikgwedi tše lesomepedi tša ngwaga;
Molaodi wa Kgoro"
E ra mošomi wa Ikangala Water yo a thwetšwego Šemmušo go Sekgoba sa legoro la bolaodi bjalo ka hlogo ya kgoro goba yuniti ya kgwebo;
E ra Kgoro ya Merero ya Meetse le tša Dithokgwa.
MoŠomi"
E ra motho o fe goba o fe yo a thwetšwego lebaka ka moka mo go Ikangala Water a šoma go ya ka mabaka a mošomo wa Ikangala Water;
Moemedi wa bašomi"
E ra yunione e fe goba e fe goba mokgatlo wo mongwe wa ka ntle wa bašomi wo o nago le boemedi bja maleba magareng ga bašomi goba foramo yeo e hlamilwego ka gare yeo e emelago šehlopha šeo še bonagalago ša bašomi.
Mong mošomo"
E ra Lekgotla la Meetse la Ikangala;
Bong"
Maemo"
E ra boleng bja maletere /dinomoro bjo bo bontšhago maemo a Sekgoba go bapetšwa le dikgoba tše dingwe mo Sebopegong sa mokgatlo go ya ka Lenaneo la Tshekatseko ya Mošomo;
Tšhelete ya Thušo ya tša Kalafo"
E ra Lenaneo la Thušo ya tša Kalafo leo le beakanyeditšwego bašomi bjalo ka se sengwe sa peakanyo ya dipoelo ke Ikangala Water;
Letona"
E ra Letona la Kgoro ya Merero ya tša Meetse le Dithokgwa ya Afrika Borwa.
Lebaka la go lefa"
E ra Moputso wa ka tlase wo o akaretšago kgwedi ka moka ya khalenta, fela tefelo ya mošomo wa phetelelo e šongwa go fihlela go le go akaretša LaMorena la pele ga goba ka la 15 la kgwedi yeo e lego yona;
Moputso wo o ntŠhwago motŠhelo"
E ra Moputso wa ka tlase wo o akaretšago tahlelo ya Lekgotla ka go Tšhelete ya Phenšene;
Molaotshepetšo"
E ra ka moka melawana, ditšhupatsela, dithibelo, dikwano, le/goba ditaelo ka Lekgotla goba Bolaodi go laola ka tshwanelo le bokgoni Ikangala Water.
Thoto"
E ra dithoto ka moka tšeo di šuthago le tšeo di sa šuthego tša Ikangala Water, go akaretšwa le tshedimošo, e ka ba ka mokgwa wa go ngwalwa goba wa go tlanya, mo go tišekete ya khompyuta, monagano wa khompyuta goba filimi;
Tšhelete ya Phenšene"
E ra Tšhelete ya Phenšele ya Lekgotla la Ikangala Water bjalo ka ge e ngwadišitšwe le Lekgotla la Ditirelo tša Ditšhelete le Khomišena ya Matlotlo a ka Gare ga Naga;
Moputso"
E ra moputso wa ka tlase, alawense, diponase le dipoelo tša mošomong tšeo di hwetšwago thwii goba e sego thwii ke mošomi bjalo ka moputso wa mošomo wa gagwe;
Letšatši la go tšea phenšele"
E ra mafelelo a kgwedi yeo ka yona mošomi a fihlelelago mengwaga yeo e mo dumelelago go tšea phenšele mme a hwetša maswanedi a dipoelo tša mošomong go ya ka Melawana ya Lekgotla la Tšhelete ya Phenšene ya IKANGALA WATER WATER.
Diiri tša mošomo"
E ra diiri tše itšeng tša mošomo tša Šemmušo tša magoro ao a fapanego a bašomi;
MELAO KA KAKARETŠO
Ikangala Water e dumela go molao wa go se kgetholle ga mmala, bong, mohlobo, bogole goba mabaka a mangwe mme ka lebaka leo e ikemišeditše go šomiša melao yeo e latelago ge e šoma ka mediro ya batho:
Setswalle ša maleba go hlameng le tiragatšong ya molaotshepetšo.
Tlhamo le go swarelela go dikgokagano tšeo di šomegago tše hlwahlwa.
Bokgoni mabapi le meputso, tlhahlo, dikgoba tša kgodišo bjalo bjalo.
Setswalle se sebotse le baemedi ba bašomi.
Tlhamo le go swarelela go lenaneotshepetšo la tekatekano la kgalemo le dingongorego ka gare ga tshepetšo ya molao wa bašomi le dikwano tša mohlakanelwa.
Go ba le bašomi bao ba lekanego bao ba nago le tlhahlo le maitemogelo ao a nyakegago mme ba ikemišeditše go tšea maikarabelo a go lebiŠa go phihlelelo ya maikemišetšo a Lekgotla.
Go rarolla mathata ka poledišano, botšeakarolo le kwano ka mo go ka kgonegago mme go sa lebalwe maikemišetšo a Lekgotla.
Go hlola moya wa bulelana sehuba le tshepano magareng ga maemo ka moka a bašomi le bolaodi.
Go hlola setšo sa mokgatlo sa phišegelo, maitshwaro, mahlahla le maikarabelo ka tšhomišano magareng ga bašomi ka moka.
Go hlola dikgoba go bašomi ka moka go hlahlwa le go tšweletša bokgoni bja bona ka moka, ka fao ba ba mohola wo mo kaone go Lekgotla le go Šetšhaba seo ba se Šomelago.
Molao wa Šetswalle Mošomong wa 1995, ka Komiti ya Ditirelo tše Bohlokwa, o bontšhitše gore go fa le go abelana ka meetse ke ditirelo tše bohlokwa. Ikangala Water e tla itshwenya go ruma dikwano tšeo di lego mabapi le go diragatša tirelo yeo e nyakegago ka gare ga ditirelo tšeo di hlaotšwego bjalo ka ditirelo tše bohlokwa.
DIKGOBA TŠA MOŠOMO
Sekgoba sa mošomo ka go sekgoba seo se bulegilego ka go Ikangala Water Še fiwa batho ka moka bao ba nago le dinyakwa tšeo di beilwego tša Šekgoba seo. Efela, go tla sekamelwa ka go bašomi bao e lego ba fao le badudi ba Afrika Borwa bao ba bego ba hlokišwa dikgoba.
Tselatshepetšo ya kalatšo le tlhaolo di tla šomelwa pepeneneng ka go lekalekana, fela tshedimošo ya mong bjalo ka dikgopelo, Dintlha ka ga Mokgopedi (CV'Š), dipego tša go fatišišwa (interview reports), ditokomane tša tshekaseko le dipoelo go tšwa go diteko tša Saekhometriki di tšewa bjalo ka dilo tša sephiri mme di tla swarwa bjalo. Di ka utollwa fela ka gare ge "di šwanetše go tsebja" mme go dirwa go ya ka molao wo o amegago.
Ditlabelo tšeo di šomišwago go sekaseka bokgoni bja bakgopedi mo tshepetšong ya tlhaolo, di tla ba tšeo di tshepegago ka tekatekano mme di sa tšee lehlakore la setšo goba ka mokgwa wo mongwe.
Tlhokego ya gore bao ba bego ba hlokišwa dikgoba lebakeng leo le fetilego, basadi le digole (mabapi le dikgoba tša mošomo) e tla hlomphiwa mme ya fiwa Šebaka.
Go godiša molao wa tirotokišo, go tla šetšwa batho bao ba bego ba hlokišwa dikgoba lebakeng leo le fetilego ge e le gore mangwalo a bona a thuto le/goba maitemogelo le/goba bokgoni di kgotsofatša dinyakwa tša mošomo. Se ga se thibele thwalo ya magoro a mangwe a batho, fela seo se swanetše go bonwa bjalo ka ketapele ge go tlatšwa sekgoba.
Ge mokgopedi yo a swanetšego (ka gare le ka ntle) a aa hwetšwe go tšwa go sehlopha se se bego se hlokišwa dikgoba lebakeng leo le fetilego go tlatša sekgoba, fela mošomi wa Ikangala Water a hlaotšwe bjalo ka yo a nago le bokgoni bja go ka tlatša sekgoba seo ge a ka fiwa tlhahlo yeo e nyakegago, motho yo mongwe a ka thwalwa ga lebakanyana goba ka kontraka go tšwa ka ntle go swara mo sekgobeng go fihlela mošomi yoo a hlahlilwe go ka tšea mošomo mo mothong yoo.
Ikangala Water e tla diragatša mananeotiragatšo go netefatša gore batho bao ba šetšego ba e šomela ba fiwa dikgoba ka go ithuta le go hlahlwa go tšweletša mangwalo a bona a thuto gore ba tle ba kgone go tšweletšwa mme ba fiwa dikgoba ka gare ga mokgatlo go ya ka bokgoni bja bona, fela seo se tla ya le go ba gona ga dikgoba tšeo di swanetšego.
Ikangala Water e tla hlola ditsela tša tatelo ya mošomo mo dithutong tša mediro ya yona mo e lego gore go ka kgonega, go fa bao ba bego ba hlokišwa dikgoba lebakeng leo le fetilego dikgoba tša go hwetša maitemogelo le go ba dira gore ba kgone go godišwa.
MABAKA AO A LEKANEGO KA TEKATEKANYO
Go fapana ga meputšo, sekala sa meputso le mabaka ka moka ao a amanago le megolo di beilwe godimo ga mabaka ao a sa kgethollego. Ke molaotshepetšo wa Ikangala Water go lefela motho mang goba mang mo mošomong wo o itšeng moputso le dipoelo tša mošomo tšeo di sepelelanago le mmaraka yeo e bapetšwago le dikgoba tše dingwe tšeo e ka bapetšwago le tšona ka gare ga lefelo la mošomo wa Ikangala Water le dikgoba tšeo di swanago ka gare ga mokgatlo wo.
Ka kakaretšo go hlatha ga mošomo go dirwa ka mokwa wo o amogelegago wa bosetšhaba, wo o laolwago ke mohuta wa mošomo le dinyakwa tša go dira diphetho tša mošomo wo o itšeng. Lenaneo la (HAY) la go hlatha mošomo le dumeletšwe bjalo ka lenaneo la Lekgotla la go sekaseka mošomo.
Ditlabelo ka moka bjalo ka ditlabelo tša boithabišo, dikamora tša go khutša le madulo di šomišwa ke bašomi ka moka. Mo e lego gore mokgwa wa setlabelo, bjalo ka bogolo bja kamora, bo gapeletša thibelo, thibelo yeo e tla dirwa godimo ga maemo a mošomo le kgonego ya go lefela seo.
Bašomi ka moka ba dumeletšwe go tšea karolo goba go tsenela sekimi goba fante (fund) e fe goba e fe yeo e laolwago ke Ikangala Water legatong la bašomi ba yona bjalo ka Tšhelete ya Penšene, Tšhelete ya Thušo ya tša Kalafo, tšhelete ya dintlo, bjalo bjalo, ka gare ga melao ya fante ye itšeng goba šekimi le ka gare ga melao ya Lekgotla.
DIPHETOGO
Melawana ye e ka fetolwa goba ya oketšwa nako le nako ka kwano, dipoledišano le ka ditsebišo tšeo di ngwetšwego mo go dipoto tša semmušo tša ditsebišo tša Ikangala Water. Bašomi bao ba lšomelago Ikangala Water ka morago ga go diragatša diphetogo tše, goba dikoketšo, ba tšewa gore ba kwana le diteng tša Melawana yeo e fetotšwego.
Mabaka a a Mošomo, Melawana e tla tšewa gore e tlaleletša molao wa bohle le/goba molaotlhakwa wo o šomago go Ikangala Water le /goba bašomi ba yona mme di swanetše go balwa le ditšhupo tšeo di amago bašomi ba Ikangala Water, bjalo ka ge di le ka go Melao yeo e fapanego.
Molao wa go lefela mošomo o dirišwa ka kelo hloko.
Setšo ša "ge go sa šongwe – ga go na moputso" se beilwe.
ŠEBOPEGO ŠA MEPUTŠO LE KGODIŠO GO YA KA MOŠOMO WO MO BOTŠE
Maemo a moputso a tla bewa godimo ga:
a Ditšhupatsela/ditaelo tša Lekgotla;
Dipoledišano le ditho tša baemedi ba bašomi mabapi le diyuniti tša bona tša boemedi bjalo ka ge go kwanwe ka go dikwano tša temogo;
c Mesepelo le mekgwa ya mebaraka;
d Bokgoni bja mošomo bja motho ka motho.
Moputso wa ka tlase wo o lefelwago o tla bewa ke ba karolo ya mošomo yeo Ikangala Water e o dirago mme mapheko a seo a tla bewa ke Lekgotla.
Bašomi ka moka ba tla lefelwa kgwedi ka kgwedi. Tefelo e tla ba ka go tsenya tšhelete ka go akhaonto ya mošomi ya panka.
Moputso e tla ba taba ya sephiri magareng ga mošomi le Ikangala Water mme ka tlase ga mabaka a fe goba a fe, o ka se utollelwe motho o fe goba o fe ntle le ge bašomi ba nyaka tshedimošo yeo go phethagatša mešomo ya bona.
Dikoketšo tša ngwaga tša bolaodi bja ka godimo (dintlha tša (HAY) tŠa 392+) di tla bewa ke Lekgotla mme di tla ya ka bokgoni moŠomong bja balaodi bao ba itšeng bjalo ka ge go kwanwe ka go Kontraka ya Bokgoni yeo e tšenelwago ka go beelana lebaka. Dintlha tša kontraka, tšeo di ka fetolwago nako le nako ka poledišano le mošomi, di hlalošitšwe ka go kgokeletšo go Molaotšhepetšo wo.
Dikoketšo tša ngwaga tša bašomi ba bangwe di tla bewa ke Lekgotla go ya ka 2.2.1 ka godimo. Lenaneo la maleba la Tšhekašeko ya Bokgoni Mošomong le tla šomišwa.
MOPUTSO
TŠHELETE YA PHENŠENE
Boleloko bja Tšhelete ya Phenšene ya Ikangala Water bo a gapeletšwa go bašomi ka moka ba lebaka ka moka bao ba nago le mengwaga ya ka tlase ga 60 mme boleloko bo tla ya ka Melawana ya Fante.
Mošomi o fe goba o fe yo a lego ka godimo ga mengwaga ye 60 ka letšatši la go thwalwa, o efošwa go ba leloko la Tšhelete ya Phenšene ya Ikangala Water.
Nako ya go tšea phenšene ya bašomi ka moka ba Ikangala Water ke 60.
Tšhelete ya Phenšene ya Ikangala Water ke fante yeo e sa tsenyetšwego setseka ya bašomi ka moka mme mong mošomo o tsenya 20% ya moputso wo o gogelwago phenšene wa leloko.
Ge a tlogela mošomo, mošomi o tla lefelwa seo a se tsentšego ka go fante ga mmogo le seripa seo mong mošomo a se tsentšego le mašokotšo ao a mo lebanego go ya ka Melawana ya Fante.
Tšhelete ya Phenšene ya Ikangala Water e tla laolwa ke Lekgotla la Baterasete leo le bopšago ke baemedi go tšwa go Lekgotla, bolaodi le bašomi bjalo ka ge ba beilwe ke Tšhelete ya Phenšene ya Ikangala Water.
Motho yo a tšwago go dikgoro tša mmušo goba mekgatlong ya diparasteitale o tla ba le boikgethelo bja gore tšhelete ya gagwe yeo e lego gona ka go fante ya gagwe, e lefelwe ka go Tšhelete ya Phenšene ya Ikangala Water mme o tla fiwa mengwaga yeo a e šomilego mo a tšwago bjalo ka ge e tla balwa ke ba dipuku tša Šetatisitiki ba Tšhelete ya Phenšene ya Ikangala Water.
Leloko le lengwe le le lengwe le swanetše go ntšha bohlatse bja mengwaga, maemo a lenyalo le dintlha ka ga bana goba bajalefa bao a ba kgethilego ge a tsena bolelokong, seo se ra gore ka letšatši leo a thomago mošomo ka lona ka go Ikangala Water. O swanetše go tsebiša Fante ge ye nngwe ya dintlha tše e fetoga mme o swanetše go fana ka tshedimošo ye nngwe yeo Terasete e tla e nyakago nako le nako.
MEPUTSO
TŠHELETE YA THUŠO YA TŠA KALAFO
Ikangala Water e fana ka Fante ya tša Kalafo go bašomi ba yona ka moka ka fao boleloko bo a gapeletšwa.
Ikangala Water e tla oketša setseka ka go Fante ya tša Kalafo bjalo ka ge go tla bewa ke Lekgotla.
Ikangala Water e ka se tsenye setseka goba go laola seo se tsenywago Tšhelete ya Thušo ya tša Kalafo ntle le yeo e kgethilwego ke Lekgotla.
Ikangala Water e tla tšwela pele go tsenya setseka ka go Fante ya tša Kalafo legatong la leloko leo le tšwelego phenšene ge e le gore leloko leo le tšwela pele go ba leloko la fante ya tša kalafo mme a tsenya setseka sa gagwe.
Dikgonegišo tša 2.4.5 di tla diragatšwa ge phenšene ka lebaka la bolwetsi e tšewa.
Dikgonegišo tša 2.4.5 di tla diragatšwa go molekane le bana ba ba nnyane ba leloko leo le tšwilego phenšene ka morago ga lehu la gagwe, go ya ka melawana ya Fante ya tša Kalafo ge molekane a tšwela pele ka go tsenya setseka.
MATSENO
AŠORENSE YA BOPHELO YA SEHLOPHA
Ašorense ya Bophelo ya Sehlopha e tla ama bašomi ka moka ba lebaka ka moka go ya ka Melawana ya Tšhelete ya Phenšene ya Ikangala Water. Lekgotla le tla rwala maikarabelo a go lefela poelo ye ka moka.
Ašorense ya Bophelo ya Sehlopha e ka se ame bašomi bao ba tšerego phenšele goba bao ba tlogetšego go šomela Lekgotla.
Sekimi sa Ašorense ya Bophelo ya šehlopha e tla laolwa ke Lekgotla la Baterasete la Tšhelete ya Phenšene la Ikangala Water mme ya laolwa ke Molaodi wa Tšhelete ya Phenšene ya Ikangala Water, mme maemo a yona a ka no senkwa leswa mme a fetolwa go ya ka diphetogo ka go Intaseteri ya Inšorense.
MEPUTSO
SEKIMI SA POLOKO
Thušo ya Poloko e fiwa maloko ka moka a Tšhelete ya Phenšene ya Ikangala Water.
Go ya ka Melawana, Sekimi sa Poloko se lefela tšhelete yeo e beilwego go ditshenyagalelo tša poloko ge go hlokofetše:
Mošomi
Molekane
Bana goba wa leloko la kgauswi
Tšhelete yeo e lefelwago go ya ka sekimi sa Poloko e tla lefelwa ke Tšhelete ya Phenšene ya Ikangala Water go bajalefa bao ba kgethilwego ke mohu.
PONASE YA MOŠOMO YA NGWAGA
Ponase ya mošomo ya ngwaga yeo e lekanago le moputso wa kgwedi wo o ntšhwago phenšene, e tla lefelwa mošomi yo mongwe le yo mongwe wa lebaka ka moka ge a fetša ngwaga wo mongwe le wo mongwe wa mošomo (nako ya teko e a akaretšwa)
Ponase ya mošomo e tla lefelwa ngwaga ka ngwaga morago ga ngwaga wa mošomo go mošomi mme tšhelete e tla fiwa go ya ka moputso wa ka tlase mme e tla tsenywa ka go akhaonto ya mošomi ya panka ka morago ga letšatši leo le swanetšego.
Motšhelo wo o lefelwago go tšwa go ponase o tla ntšhiwa kgwedi ka kgwedi pele ga letšatši la ponase go moputso wa mošomi gore o se ntšhwe mo ponašeng ya mošomo ge e lefelwa.
Ponase e tla lefelwa ka go lekalekanywa (pro-rata) ge mošomi yo a nago le dikgwedi ta go feta tše 12 tša mošomo, yo mošomo wa gagwe o emišitšwego ke lebaka la:
Lehu
Go tšea phenšene (ya mehleng goba ya pele ga nako)
Bogole
Go leboga mošomo
Go tlogedišwa mošomo
Go fokotšwa mošomong
MEPUTSO
GO ŠOMA NAKO YA GO FETELELA
Bjalo ka molao wa kakaretšo, moputso wa go šoma nako ya go fetelela o beetšwe fela bašomi bao ba sego ka legorong la dikgoba tša legoro la bolaodi; seo se ra bašomi bao ba lego dikgobeng tša ka tlase ga diyuniti tše 392 HAY
Nako yeo e šongwago ya phetelelo e swanetše go dumelelwa ke bolaodi bjo bo filwego matla pele ga go thoma mošomo, ntle le ge e le ka mabaka a seemo sa tšhoganetšo.
Dinako ka moka tša mošomo wa phetelelo di swanetše go ngwalwa ka gare ga retšisetara ya go ba gona mošomong mme e swanetše go dumelelwa gore e lefelwe.
Tefelo ya nako ya phetelelo e tla bewa godimo ga ditlhalošo tša molaotlhakwa wa tša mošomo mme e tla lefelwa lebakeng la tefelo go tšohle.
Nako ya phetelelo ka tefelo ya nako le Seripa (X1,5) godimo ga moputso, e lefelwa go nako ya phetelelo yeo e Šomilwego nakong ya matšatši a go šoma ao a tlwaelegilego le Mokibelo. Se ga se ame mošomo wa go amogetšana (Šhift work) wo o dirwago ka kamogetšano.
Nako ya phetelelo ka tefelo ya moputso wa ka tlase ga bedi (X2) o lefelwa diiri ka moka tseo di šomilwego ka LaMorena le ka matšatši a setšhaba a maikhutšo ntle le mošomo wa kamogetšano mo go tla dirišwago dikgonegišo tša 2.8.7.
Nako ya phetelelo yeo e šongwago ke bašomi ba go amogetšana e lefelwa ka nako le seripa (X1.5) godimo ga moputso. Nako ya phetelelo yeo e šomilwego ka letšatši leo le beakanyeditšwego maikhutšo, LaMorena le matšatši a setšhaba a maikhutšo go ya ka peakanyo ya kamogetšano a tla lefelwa gabedi (X2) ka moputso wa ka tlase.
MEPUTSO
MADULO, ALAWENSE YA DIJO LE MAETO.
Ikangala Water e tla fana ka madulo go mošomi yo a swanetšego go robala kgole le lefelo la mošomo wa gagwe ge a phethagatša mešomo ya gagwe ya semmušo.
Madulo ao a fiwago a tla, ka mo go ka kgonegago, ba maleba le maemo a mošomi mme e tla ba ka sephetho sa Molaodi wa Lefapha
Go swanetše go hwetšwa tumelelo pele go dirwa peakanyo ya madulo mme Balaodi ba Mafapha ba tha diriša diphetho tša bona go dumelela dikgopelo/dipeakanyo tšeo mme go etšwe hloko mapheko a dipeakanyetšo tša ditšhelete tša 2.9.2.
Mošomi yo a šomišago dikgontši tšeo tša madulo o tla swanelwa ke go:
Lefelwa morago ditshenyegelo tša gagwe tša dijo le tša boithabiso (tšeo di felelago go dino tšeo di sego bogale fela)
Fiwa tšhelete yeo e bonwago gore e tla akaretša ditshenyegelo tša dijo le dino tšeo di sa fiwego, tšeo di ka kgopelwago
Alawense ya dijo le ya mosepelo e lefelwa mošomi yo a swanetšego go šoma kgole le lefelo la mošomo wa gagwe goba ka ntle ga lefelo la gagwe la mošomo.
Mošomi a ka re ka tšhelete ya gagwe, maikarabelong a gagwe, a kgetha go inyakela madulo a gagwe a poraebete mme tefelo ya alawense ya dijo e ka kgopelwa bjalo ka ge e tla bewa ke Lekgotla. Meetse a Ikangala ga e na maikarabelo a madulo le dijo ge mošomi a kgetha go dira dipeakanyo tša gagwe.
Tefelo ya alawense ya dijo go ya ka temana ya 2.9.6 e dirwa maikemišetšong a go hlatswa diatla go mošomi ge a dirile dipeakanyo tša gagwe tša madulo mme e se ke ya tšewa bjalo ka ge e tlaleletša moputso wa gagwe. Tšhomišompe mabapi le seo ke mošomi e tla hlola gore mohola wo o gogelwe morago.
Mošomi mang goba mang yo a swanetšego go sepela kgole le lefelo le mošomo wa gagwe, o swanetše go tlatša foromo ya tumelelo mme e dumelelwe ke mookamedi goba molaodi wa lefapha pele ga go tloga. Diforomo ka moka tša tumelelo di swanetše go dumelewa ke Molaodi Phethiši goba motho yo a filwego matla ke yena go dira seo.
Foromo ya Kgopelo yeo e tladitšwego ya Leeto le Dijo e swanetše go kgokeletšwa go Foromo ya Tumelelo ya Leeto ge e le gore mošomi o ikemišeditše go kgopela alawense.
MEPUTSO
Dialawense tša dijo di tla senkwa lešwa nako le nako mme di tla lefelwa bjalo ka ge di tla bewa ke Lekgotla.
Bašomi bao ba yago sekolong sa go ithuta goba diseminara bjalo ka seripa sa porokerama ya tlhahlo le tšweletšo yeo e beakantšwego ke Ikangala Water,ba tla tlangwa ke dikgonegišo tša molaotshepetšo wo, go ya ka mabaka a molaotshepetšo wa tlhahlo le tšweletšo.
DIALAWENSE TŠA TETELO YA MOŠOMO NAKO YENNGWE LE YE NNGWE LE TŠA MOŠOMO WA KAMOGETŠANO
Alawense ya go ithuta e lefelwa bašomi ka moka bao ba laetšwego ka go ngwala go dira mešomo ya komana madula a bapile.
Alawense ya tetelo ya mošomo nako ye nngwe le ye nngwe, e lekana le 3% ya moputso wa kgwedi wo o tšhwago phenšene wo o lefelwago ba mešomo ya diatla (ka go moputso wa maemo a 6) e tla lefelwa go matšatši a mangwe le a mangwe a kgoboketšo a lebaka la matšatši a leo mošomi a bego a le tetelong ya mošomo nakong ye nngwe le ye nngwe.
Tefelo ya alawense ya tetelo ya mošomo nako ye nngwe le ye nngwe e tla dirwa mabaka ka moka lebakeng la go swana le leo le amago mošomo wa nako ya phetelelo.
Tefelo ya alawense ya tetelo ya mošomo nako ye nngwe le ye nngwe e tla dirwa ge go amogetšwe retšiaetara yeo e tladitšwego ya tetelo ya mošomo.
Alawense ya kamogetšano ya mošomo, yeo e balwago ka mokgwa wo o latelago, e tla lefelwa bašomi bao ba šomago ka go amogetšana.
Diperešente tše nne (4%) tša tefelo ya mošomi ya iri e lefela iri ka iri yeo e šomilwego ka nakong ya morago ga sekgalela, le
Diperešente tše seswai (8%) tša tefelo ya mošomi ya iri e lefela iri ka iri yeo e šomilwego bošego
Ga go dialawense tšeo di tla lefelwago mošomong wa mosegare.
RETŠISETARA YA GO BA GONA MOŠOMONG
Retšisetara ya go ba gona mošomong e tla swarwa go bašomi ka moka.
Go ba gona mošomong ga mošomi yo a šomago ka go lefapha la tšweletšo le hlokomelo ya ditlabelo go tla ngwalwa ka go šomiša motšhene wa go ngwala ge mošomi a tsena.
MEPUTSO
Mošomi yo a lego mošomong wa tša taolo o swanetše go ngwala ka letšogo ka retšisetareng yeo e swanetšego go lekolwa beke ka beke mme ya dumelelwa ke mookamedi wa gagwe wa kgauswi, goba a šomiša motšhene wa go ngwala matseno a gagwe.
Go tla ba le retšisetara ya kamogetšano go bašomi ka moka bao ba šomago mošomo wa kamogetšano.
Mošomo wa kamogetšano o tla dirwa go ya ka peakanyo bjalo ka ge o beilwe go lefelo le lengwe le le lengwe la mošomo.
Alawense ya go šoma legatong
Mošomi yo a šwerego legatong mo sekgobeng sa ka godingwana lebaka la go feta matšatši a 30 nako ye nngwe le ye nngwe ge seo se direga o tla swanelwa ke tefelo ya alawense ya motšwa o swere.
Foromo ya "Go swarela mošomo go sekgoba sa ka Godimo" e swanetše go tlatšwa mme ya dumelelwa ke bolaodi bjo bo filwego matla, pele ga go thoma go šoma sekgobeng sa ka godimo.
Lengwalo la semmušo la go thwalwa sebakeng sa go šoma legatong, bolaoding bja go fa matla a mošomo, le ge e ka ba ga nnyane goba ka botlalo, nakong ya go šoma legatong, le swanetše go fiwa mošomi yo a tlago go šoma legatong go sekgoba sa ka godingwana pele ga go thoma lebaka la go šoma.
Moputso wo o lefelwago ge go swarelwa mošomo o bewa go 7,5% ya moputso wa kgwedi wo o gogelwago phenšene ya magareng ga maemo a sekgoba seo mošomi a se emego legatong.
Ge go engwe legatong la Molaodi Phethiši, motšwa o swere woo o tla lefelwa ka 5% ya moputso wa ka tlaše wo o dumeletšwego ke Letona.
MAIKHUTŠO
MELAO KA KAKARETŠO
Maikhutšo a fiwa go bašomi go ya ka mabaka le melawana yeo e beilwego, le dikgonegišo tšeo e lego gore le ge poelo e fe goba e fe e se na mohola wo kalo, goba legato le fe goba le fe le na le mapheko a boima ka mo go sa hlokegego go ya ka ditlhalošo tša Melao ya Motheo ya Molao wa tša Mošomo (Act Nomoro ya 75 wa 1997), ditaelo tša Moalo woo di tla diragatšwa.
Mabakeng a dikgogakgogano mabapi le dipoelo tša maikhutšo a fe goba a fe, sephetho sa Ikangala Water e tla ba sa mafelelo. Meetse a Ikangala e tla sepetša morero wo go ya ka kgopolo ya yona, ka dikgonegišo tša gore Ikangala Water e tla latela ditaelo tša Melao ya Motheo ya Molao wa tša Mošomo (Act Nomoro ya 75 wa 1997) ga mmogo le poelo yeo e bolelwago go Molao wo o boletšwego.
Mo go sa bewago dikgonegišo mo mabakeng le melawaneng go morero o fe goba o fe wo o amanago le dipoelo tša maikhutšo, dikgonegišo tša Melao ya Motheo ya Molao wa tša Mošomo (Act Nomoro ya 75 wa 1997) di tla latelwa mabapi le morero woo o amegago.
Bašomi bao ba lego maikhutšong ba ka se dire mošomo wo o lefelwago waka ntle, ntle le ge tumelelo e filwe pele ga nako ke Molaodi Phethiši goba motho yo a laetšwego ke yena lebakeng leo.
Ntle le maikhutšo ka bolwetši le setswetši, maikhutšo ka moka a fiwa go ya ka dinyakwa tša mošomo wa Lekgotla.
Mošomi yo a lego maikhutšong ntle le a bolwetši, a ka se boele mošomong pele ga ge nako yeo e fela, ntle le ge Lekgotla le mo dumelela go dira bjalo.
Mošomi yo a retelelwago ke boela mošomong morago ga maikhutšo a gagwe ntle le lebaka leo le kwalago mme a sa kgopele tumelelo ya go se be gona mošomong, o tla fiwa kotlo ya kgalemo morago nyakišišo ka botlalo/tshekišo.
Mošomi a ka dumelelwe go leboga mošomo mo go Lekgotla lebakeng la maikhutšo, mme ga go maikhutšo, ntle le maikhutšo a bolwetši, yeo e tla tšewago nakong ya lebaka la go leboga mošomo ga gawe.
Ga go mošomi yo a ka tlogedišwago mošomo nakong ya ge a le maikhutšong a gagwe ao a dumeletšwego.
Ge matšatši a mošomi a maikhutšo a fedile ka lebaka la maikhutšo a kgapeletšego, dikgopelo ka moka tša maikhutšo tša lebaka leo le tlago di tla rerwa ka botee ka botee go ya ka mabaka a gona.
Ge go bolelwa ka matšatši a maikhutšo ka mo tokomaneng ye, seo se tla ra matšatši a khalentara ntle le ge go hlalošwa ka mokgwa wo mongwe
MAIKHUTŠO
Maikhutšo a bašomi a arotšwe ka magoro a šupago:-
i maikhutšo a mošomo ii maikhutšo a lebaka le le telele mošomong iii maikhutšo a bolwetši iv maikhutšo a šetšwetši v maikhutšo a dithuto vi maikhutšo ao a ikgethang vii maikhutšo ao a ša lefelego
MAIKHUTŠO A MOŠOMO
Ntikodiko ya maikhutšo e tla thoma letšatšing leo mošomi a thomago mošomo mo go Ikangala Water, fela go ya ka dikgonegišo tša 3.2.2 le 4.1.14.
Maikhutšo a mošomo a tla ikgoboketša go ya ka kgwedi ka kgwedi ya mošomo ka palo ya tee-lesomepeding ya dikgonegišo tšeo di amago mošomi. Lebakeng le, kgwedi yeo e feditšwego e tšewa bjalo ka kgwedi yeo mošomi a e šomilego go tloga ka la pele, go fihlela go le go akaretša letšatši la mafelelo la mošomo go kgwedi yeo e amegago.
Mošomi o swanetše ke maikhutšo a mošomo ngwaga ka ngwaga ge a feditše dikgwedi tše tša go latelana tša mošomo mo go Ikangala Water.
Maikhutšo a bašomi ba lebaka ka moka e tla fiwa ka mokwa wo o latelago:
Matšatši a khalentara a 35 ka lebaka la dikgwedi tše 12;
Matšatši a khalentara a 25 ka lebaka la dikgwedi tše 12;
Maikhutšo a mošomo ngwaga ka ngwaga a šwanetše go kgopelwa šemmušo bonnyane matšatši a 14 pele ga letšatši la go thoma maikhutšo ao. Maikhutšo ao a tla fiwa ka sephetho sa Molaodi wa Lefapha a etše hloko dinyakwa tša Ikangala Water. Ikangala Water e na le tokelo ya go laela mošomi go tšea maikhutšo go tloga letšatšing leo le loketšego Ikangala Water.
Kgopelo ya maikhutšo a mošomo e ka ganwa ka lebaka la seemo sa mošomo. Ge go ganetšwa maikhutšo, ntlha ya 3.2.7 e swanetše go elwa hloko.
Bašomi ka moka ba swanetše go tšea matšatši a mošomo a bonnyane bja a a latelana go ntikodiko ye nngwe le ye nngwe ya matšatši a maikhutšo mme maikhutšo ao a swanetše go tšewa dikgweding tše 15 mafelelong a lebaka la maikhutšo la mafelelo la mošomi.
Matšatši a 12 ngwaga ka ngwaga a swanetše go tšewa ka go latelana; ao a šalago a ka nna a ikgoboketša go fihla go a 120 go bašomi ba ka tlaše ga mengwaga ye mehlano ya mošomo le matšatši a 180 go bao ba lego ka godimo ga mengwaga ye mehlano ya mošomo.
Matšatši a maikhutšo ao a ikgobokeditšego go feta 120/180 a šwanetše go tšewa pele ga go tlogela mošomo, ntle le moo a tla lobja.
Ge mošomi a ka hlokofala, Ikangala Water e tla lefela motho yo a beilwego ke mošomi goba thotong (estate) ya gagwe, tšhelete ya matšatši a maikhutšo yeo e ikgobokeditšego go fihlela go letšatši la mafelelo mošomong, go ya ka mapheko ka go 3.2.8 le 3.2.9.
Bašomi bao e sego ba ka mehla ba tla fiwa matšatši a maikhutšo go ya ka dikgonegišo tša melao ya motheo ya molao wa bašomi. (Molao wa 75 wa 1997)
Bašomi ba go amogetšana bao ba šwanelwago ke go šoma ka matšatši a šetšhaba a maikhutšo, ba tla hwetša moputso wa koketšego go ya ka tšhepetšo ya tša.
Ge letšatši la šetšhaba la maikhutšo e le ka LaMorena, Mošupologo wo o latelago o tša tšewa bjalo ka letšatši la maikhutšo.
Matšatši a šetšhaba a maikhutšo a fiwa bašomi ka moka ga mmogo le maikhutšo a fe goba a fe a mošomo. Ge letšatši le fe goba le fe la šetšhaba la maikhutšo le wela ka gare ga matšatši a maikhutšo a motho, letšatši leo le ka še balelwe go lebaka la maikhutšo.
Tšhelete yeo e tlago lefelwa matšatši a maikhutšo yeo e šomilwego go ya ka dintlha tša 3.3.3, 3.3.8 le 3.3.10 e tla balwa ka mokgwa wo:-
Moputso wa ngwaga wo o gogelwago phenšene x Palo ya matšatši ao a lefelwago ntšha motšhelo
MAIKHUTŠO
MAIKHUTŠO A TŠHOMO YA LEBAKA LE LE TELELE
Maikhutšo a lebaka le le telele, ao a lekanago le palo ya matšatši a maikhutšo a mošomo a ngwaga, a tla, go ya ka ntlha ya 3.3.4, a tla kgobokeletšwa mošomi wa lebaka ka moka ge a fetša lebaka la mengwaga ye mehlano ya mošomo ntle le go kgaotša le Ikangala Water.
Tumelelano ya maikhutšo ao a fiwago ka lebaka la go šoma lebaka le le telele e tla fiwa fela ge mošomi e le wa lebaka ka moka wa Ikangala Water ge a fetša lebaka la mengwa ye mehlano a ša kgaotše mošomo.
Bonnyane 50% tša lebaka le le telele la mošomo di šwanetše go tšewa bjalo ka maikhutšo a mošom goba di šwanetše go fetolwa tšhelete dikgweding tše tša ge go tla tšewa maikhušo ao. matšatši ao a šalago a ka kgoboketšwa, go ya ka temana ya 3.2.8, mme a ka šomišwa bjalo ka matšatši a maikhutšo goba a fetolelwa go tšhelete.
Ge mošomi a tlogela mošomo ka morago ga mengwaga ye mehlano ka go leboga mošomo resignation, go tšea phenšene, go hloka mošomo, bokowa goba lehu, lebaka la mošomo le le telele le tla lefelwa ka go balwa go dikgwedi tše dingwe le tše dingwe tše tšeo di šomilwego ntikodikong ya mošomo.
MAIKHUTŠO
MAIKHUTŠO A BOLWETŠI
Maswanedi a maikhutšo a bolwetšo a tšea lebaka la ntikodiko ya mengwaga ye meraro, go thoma letšatšing la mathomo la mošomo.
Maswanedi a maikhutšo a bolwetši mošomi yo mongwe le yo mongwe wa lebaka ka moka ke matšatši a a khalentara go ntikodiko ye nngwe le ye nngwe ka moputso wo o feletšego le matšatši a mangwe a ka 50% tša mputšo wa ka tlase.
Ge Ikangala Water e na le kgopolo ya gore e na le mašwanedi go šeemo šeo, e ka oketša matšatši a maikhutšo a bolwetši ka tlase ga mabaka ao, bjalo ka ge go šwanela mošomi yo a šetšego a šomišitše matšatši a gagwe ka moka a maikhutšo a bolwetsi.
Maikhutšo a bolwetši lebakeng la matšatši a go feta a mabedi a mošomo ao a latelanago a tla fiwa fela ge mošomi a tliša Šetifikeiti Ša ngaka yeo e ngwadišitšwego seo ka gare go sona go bontšhitšwego mohuta wa bolwetši goba kgobalo, mme maikhutšo ao a tla fiwa fela lebakeng leo le bonwago le swanetše ke ngaka go alafiwa le go fola ga mošomi, lebaka leo le tla bontšhwago mo Šetifikeiting.
Ge go bonwa go swanetše go ya ka kgopolo ya Molaodi Phethiši wa Ikangala Water, goba motho yo a filwego matla ke yena lebakeng leo, go ka nyakega gore mošomo a tliše Setifikeiti sa bolwetsi sa lebaka la maikhutšo a bolwetsi go matšatši a ka tlase ga a mabedi.
Maikhutšo a bolwetši a ka se fiwe mabakeng a go se be gona mošomong ka lebaka la bolwetšo, go še ikwe botše goba kgobalo tšeo go ya ka kgopolo ya molaodi phethiši goba yo a mo filego matla e ka ba tšeo di hlotšwego ke maitšhwaromabe goba thetelelo ya mošomi go šoma ka tlhokomelo e kaone le thibelo. matšatši ao a tla ntšiwa go matšatši a maikhutšo a ngwaga morago ga go fa mošomi šebaka ša go hlaloša.
Ge mošomi a filwe matšatši a go ikhutša a bolwetši ka lebaka la bolwetši goba kgobalo mme mošomi a ka lefiša ditšhenyegelo mabapi le kgobalo goba bolwetši bjoo go tšwa go yo mongwe ka ntle ga mošomo, Ikangala Water e na le tokelo ya go nyaka ditšhenyegelo tšeo di hlotšwego ke go še be gona mošomong ga mošomi, goba seripa sa šeo, go tšwa go mošomi, ge e le gore tšhelete yeo Ikangala Water e ka e hwetšago ka mokgwa wo e e ka se fete moputso le dipoelo tša mošomo tšeo di bilego gona nakong ya go se be gona mo go bolelwago mme go feta fao, tšhelete yeo e hweditšwego ga e fete ditshenyegelo tšeo di hweditšwego ke mošomi.
MAIKHUTŠO
Mošomi yo a bajwago goba a gobala nakong ya maikhutšo a gagwe a mošomo, maikhutšo a go ikgetha goba maikhutšo a šetšwetši, o tla fiwa maikhutšo a bolwetši go lebaka leo le netefatšwago la bolwetši/kgobalo mme matšatši a gagwe a tla fiwa go ya ka tshwanelo.
bašomi ka moka ba šwanetše go tsebiša baokamedi ba bona diiring tše 24 ge ba retelelwa ke iponatša mošong ka lebaka ala bolwetši gape ba bontšhe letšatši leo ba ka lebelelwago go bowa mošomong ka lona. Lebakeng la bašomi bao ba amogetšanago, mookamedi o swanetše go, ge go kgonega, tsebišwa bonnyane iri pele ga go thoma kamogetšano.
Bašomi ba lebaka ka moka bao ba šego ba fetša dikgwedi tše 12 ba šoma, ba tla fiwa matšatši a maikhutšo a bolwetši ao a badilwego ka matšatši a 2 a kgwedi yeo e feditšwego ka moputso ka moka le matšatši a koketšo a 2 ka 50% tša moputso wa ka tlase.
Bašomi bao e sego ba ka mehla le bao e lego ba lebakanyana ba tla fiwa matšatši a maikhutšo a bolwetsi go ya ka Melao ya Motheo ya Molao wa Bašomi.
MAIKHUTŠO
Mošomo o na le mašwanedi a dikgwedi tše nne tša maikhutšo a setswetši.
Bašomi bao ba lego setswetšing ba na le mašwanedi a 30% ya moputso wa ka tlase le dipoelo ka moka tšeo di lego gona.
Mošomi a ka thoma maikhutšo a setswetši –
Nakong ya dibeke tše nne pele ga le tšatši leo a le emetšego la setswetši, ntle le ge go kwanwe ka mokgwa wo mongwe, goba
Ka letšatši leo ngaka ya gagwe goba mooki wa tša pelegišo a netefatša gore go swanetše bjalo go bophelo bja mošomi goba go bophelo bja ngwana yo a sa lego ka mpeng ya mmagwe.
Ga go na mošomi yo a šwanetšego go šoma dibekeng tše tšhelelago ka morago ga pelego ya ngwana wa gagwe, ntle le ge ngaka goba mooki wa tša pelego a netefatša gore o phelegile mmeleng go ka dira seo.
Mošomi wa moimana yo a boago tšeleng nakong ya dikgwedi tše tharo tša mafelelo tša boimana bja gagwe goba a belega ngwana yo a hlokofetšego, o na le maswanedi a maikhutšo a dibeke tše tšhelelago ka morago ga go boa tseleng goba ka morago ga go hwetša ngwana yo a, le ge e ka be e le gore mošomi o thomile maikhutšo a gagwe a setswetši ka nako ya go boa tseleng goba goba pelego ya ngwana yo a tlilego a hlokofetše goba aowa.
mošomi o swanetše go tsebiša mong mošomo ka go ngwala, ntle le ge mošomi a sa kgone go dira seo, ka ga letšatši leo mošomi a ikemišeditšego go –
Thoma maikhutšo a gagwe a setswetši, le
Boa mošomong ka morago ga maikhutšo a gagwe a setswetši
Tsebišo go ya ka 3.5.6 e šwanetše go fiwa –
Bonnyane dibeke tše nne pele ga ge mošomi a ikemišetša go thoma maikhutšo setswetši, goba
Ge go sa kgonege go dira seo, ka pele ka mo go ka kgonegago.
MAIKHUTŠO
MAIKHUTŠO A GO ITHUTA/NGWALA DITLHAHLOBO
Letšatši le tee la go ithuta le tla fiwa go pampiri ye nngwe le ye nngwe ya tlhahlobo, e ka ba ka go araba dipotšišo ka molomo goba go ngwala, go akaretšwa ditlhahlobo tša poeletšo ya tlhahlobo mo letšatšing la mošomo pele ga go ngwala moleko woo.
Letšatši le tee la go tlhahlobo le tla fiwa go letšatši le lengwe le le lengwe la tlhahlobo, go akaretšwa poeletšo ya tlhahlobo ge e le gore e swanetše go tšewa, e ka ba ka go araba dipotšišo ka molomo goba go ngwala.
Bohlatse bja tlhahlobo bo swanetše go fiwa ga mmogo le kgopelo ya maikhutšo a dithuto.
Dithuto tšeo di sego tša tšwelela mme di boeletšwa di ka se hwetša maikhutšo a dithuto gape.
Matšatši a a maikhutšo a dithuto a tla fiwa go dithuto tša Metšisetara le Bongaka lebakeng ka moka la dithuto tšeo.
Matšatši a a maikhutšo a dithuto a tla fiwa ngwaga ka ngwaga go dithuto tšeo di lego maleba le mošomo fela, lebakeng ka moka la dithuto tša mangwalo ao (mohlala, Kgerata ya Onase, Tipoloma, bjalo bjalo.) Maikhutšo a. a tla fiwa fela dithuto tša Yunibesithi, Thekinikone, Kholetšhe goba Lefelo la Dithuto tša Bošetšhaba.
Maikhutšo a dithuto a tla fiwa fela dithutong tšeo di dumeletšwego ke Molaodi Phethiši goba motho yo a filwego matla ke yena goba tšeo di le lego maleba le mediro ya Lekgotla, go ya ka Molaotshepetšo wa Dithuto.
MAIKHUTŠO
MAIKHUTŠO AO A IKGETHANG/MAIKARABELO A TŠA LAPA
Maikhutšo ao a ikgethang a ka kgopelwa ge mošomi o fe goba o fe a swanetše go -
iponatša kgorong ya tsheko bjalo ka hlatse ge a laetšwe go dira bjalo;
iponatša kgorong ya tsheko bjalo ka mmelaedi maemong a gagwe a semmušo;
emela Repapoliki ya Afrika Borwa goba Porofensi bjalo ka motšeakarolo go dipapadi, molaodi, moahlodi le/malokwana, maikhutšo ao a ka se fetego bogodimo bja matšatši a a khalentara ka ngwaga;
hwetša kgerata goba tipoloma mo dithutong tša ka godimo go tšwa šehlangweng sa dithuto tšeo ao a ka se fetego letšatši le tee ;
khuduga ge a šuthišwa ke Ikangala Water, ao a ka se fetego matšatši a mabedi .
Kgopelo ya lifi yeo e kgethegilego go yas ka moo e lego gona ka gare ga 3.7.1 ka godimo, e swanetše gore,mabakeng kamoka e sepele le bohlatse bja ditokomane.
Bašomi ba lebaka ka moka ba na le mašwanedi a matšatši a mararo ao a lefelwago a maikhutšo a maikarabelo a tša lapa ka ngwaga, ka kgopelo, ge ngwana wa mošomi a babja, goba ka lehu la molekane wa gagwe goba mokgitsi wa gagwe wa bophelo, goba motšwadi wa mošomi, motho yo a dulago le yena bjalo ka motšwadi, rakgolo/makgolo, ngwana, ngwana yo a itšetšego yena goba wa gagwe, setlogolo goba lesea. Mong mošomo a ka nyaka bohlatse.
MAIKHUTŠO
MAIKHUTŠO AO A SA LEFELWEGO
Maikhutšo ao a lefelwego a ka kgopelwa ka tlase ga mabaka ao a sa tlwaelegago le ge go se na matšatši a maikhutšo ao a dumelelegago.
Maikhutšo ao a lefelwego a go se fete matšatši a ka go ntikodiko ye nngwe le ye nngwe a ka kgopelwa.
Dikgopelo tša maikhutšo ao a lefelwago di swanetše go išwa go Molaodi, Tša Batho gore di senkwe mme ditšhišinyo di išwe go Molaodi Phethiši goba yo a mo filego matla gore a fiwe tumelelo.
Matšatašing a go feta a a mošomo ao a dumeletšwego maikhutšo ao a lefelwego, setseka seo se balwetšwego ruri sa Ikangala Water go išwa go Tšhelete ya Phenšene ya Ikangala Water, Ašorense ya Sehlopha ya Bophelo le Tšhelete ya Thušo ya tša Kalafo e tla lefelwa ke mošomi lebakeng la maikhutšo ao a lefelwego ao a fetago matšatši a a mošomo.
Bakgopedi ka moka bao ba kgopelago mošomo go dikgoba tše itšeng ba tla elwa hloko go sa šetšwe morafe, bong, tumelo goba mohlobo. Efela, tšhetšo ya pele e tla fiwa maloko a Ikangala Water le badudi ba Afrika Borwa.
Kalatšo ya ka ntle e tla naganwa ge fela go se na motho yo a nago le mangwalo ao a swanetšego goba mokgopedi yo a nago le bokgoni ka gare ga bašomi ka moka ba Meetše a Ikangala.
Dokgoba ka moka di tla kwalakwatšwa ka gare pele go fa bašomi bao ba nago le mangwalo a maleba sekgoba sa go dira dikgopelo.
Ge go se na batho bao ba nago le mngwalo a maleba bao ba dirago dikgopelo go ya ka 4.1.2, sekgoba se tla kwalakwatšwa ka go pampiri ya retšene. Ke ge fela dikgopelo tša maleba di se tša hwetšwa, sekgoba seo se ka kwalakwatšwago go bosetšhaba.
Molaodi wa Tša Batho o tla ba le maikarabelo a go kalatša bakgopedi, e ka ba ka gare le /goba ka ntle.
Dikwalakwatšo (bobedi ka gare le ka ntle) di tla hlophiwa ke Lefapha la Tša Batho ka go boledišana le Molaodi wa Lefapha yo sekgoba se lego ka lefapheng la gagwe.
Dikwalakwatšo di swanetše go ba le dinyakwa tša mošomo.
Molaodi wa tša Batho o tla fa Molaodi wa Lefapha yo a amegago goba motho yo a mo filego matla dintlha ka moka tša bakgopedi bao go fiwa šedi.
Thwalo ka moka e tla dirwa go ya ka tumelelo ya bolaodi le dikgonegišo tša dipeakanyetšo tšeo di dumeletšwego ke Lekgotla.
Thwalo ka ka go maemo a ka tlase a (HAY) e tla dirwa ke Molaodi wa Lefapha wa maleba mme thwalo e tla dumelelwa ke Molaodi Phethiši. Lefapha la tša Batho le tla fana ka dikeletšo le tirelo go kgontšha Molaodi wa Lefapha goba motho yo a mo filego matla, go tšea Šephetho.
Thwalo ya baokamedi le bolaodi bja gare di tla dirwa ke Molaodi Phethiši mme thwalo e tla dumelelwa ke Modulašetulo wa Lekgotla.
Thwalo ya bolaodi bja ka godimo (Molaodi Kakaretšo ke ka godimo) bo tla dirwa ke Komiti ya Tlhaolo ya Lekgotla mme e tla dumelelwa ke Lekgotla.
Molaodi wa tša Batho o tla rwala maikarabelo a taolo ya bathwalwa ka moka ga mmogo le taolo ya bakgopedi bao ba sego ba tšwelela.
Thwalo/mošomo o thoma ka letšatši la ge mokgopedi a thoma mošomo ka letšatši la mathomo la mošomo la kgwedi mme leo ga se letšatši la mathomo la kgwedi mme letšatši la gagwe la mathomo a kgwedi ke leo a thomilego go šoma ka lona.
MOŠOMO WA LEBAKANYANA/MOŠOMO WA NAKO YE ITŠENG
Bašomi ba ka thwalwa kontrakeng ya lebakanyana goba nakong yeo e itšeng go imolla labaka la mošomo mošomo wo boima nakong ya diporotšeke tšeo di ikgethang.
Lekaka la mošomo le ka se fete dikgwedi tše tharo nakong ye nngwe le ye nngwe mme ga go mošomi wa lebakanyana goba wa nako ye itšeng yo a ka thwalwago gape nakong ya kgwedi e tee morago ga go fetša mošomo wa lebakanyana goba wa nako ye itšeng wa Ikangala Water
Mošomi wa lebakanyana goba wa nako ye itšeng o tla ba le maswanedi a dipoelo di fe goba di fe tšeo di fiwago ka go Molao wa Melao ya Motheo ya Mošomo.
Thwalo ya bašomi ba lebakanyana goba ba nako ye itšeng e tla dirwa ke Lefapha la tša Batho ka kgopelo ya Molaodi wa Lefapha.
Bašomi ba lebakanyana goba ba nako ye itšeng ba tla kalatšwa ka go dikantoro tša selegae tša Kgoro ya tša Mošomo mo go kgonegago le/goba ka mekgwa yeo e kgonagalago.
Go tla tsenelwa kontraka le batho ba seporofešenale ge go nyakega ditirelo tša seporofešenale di hlokega. Kontraka ye bjalo e tla ba ya mošomo wo o itšeng wo o swanetšego go phethwa ka nako ye itšeng.
Baithuti bao ba tšwago dithutong tša ka godingwana ba swanetše go fiwa sebaka sa go dira mošomo diatleng wo o nyakegago gore ba feleletše dithuto tša bona, ge e le gore maitemogelo ao a tiragatšo ya mošomo a ka hwetšwa ka go mešomo yeo e tlwaelegilego ya Lekgotla. Dipeakanyo tše bjalo di swanetše go šišinywa ke Molaodi wa Lefapha mme tša dumelelwa ke Molaodi Phethiši goba motho yo a filwego ke yena matla lebakeng leo pele ga go šetšwa hlatšwadiatla goba tefelo.
TŠHOMIŠO YA MATLA A BATHO
TŠHUTHIŠO YA BAŠOMI
Ikangala Water e na le tokelo ya go šuthiša mošomi o fe goba o fe go mafelo a fe goba a fe a yona a mošomo, ge e le ka kgahlego ya Ikangala Water morago ga dipoledišano.
Kgopelo mošomi ya go šuthišwa e ka elwa hloko go ya ka mabaka mme e ka dumelelwa go ya ka dikgahlego tša Meetše a Ikangala.
Mošomi yo a šuthišitšwego ke Ikangala Water go ya ka 5.1.1 ka godimo o tla hlatswiwa diatla tša mathata ao a a hloletšwego ke tšhutišo yeo go ya ka:
Ditshenyegelo tša maeto le dijo tša gagwe le lapa la gagwe, go fihla go matšatši a mabedi le dinamelwa tše pedi ;
Alawense ya kgwedi e tee ya moputso wo o gogelwago phenšene yeo e lebišitšwego go reka digaretene, diaparo tša šekolo., bjalo, bjalo, go ya ka bohlatse bja ditlankana tša ditšhenyagalelo; bjalo ka ge e beilwe ke Lekgotla;
Ditshenyegelo tša go thotha diphahlo (go akaretšwa inšorense), ge tefišo ya ba go thotha diphahlo bao ba fapanego e tlišwa pele gore e dumelelwe ke Molaodi wa tša Batho, yo a tlago tšea sephetho sa go dumelela mothothi. Molaodi wa tša Batho le yena a ka hwetša tefišo ya gagwe.
Ditshenyegelo tšeo di amegago ge mošomi a šuthišwa go ya ka ntlha ya 5.1.2 ka godimo, di tla ba tša mošomi ka boyena ge e le gore tšhutišo yeo e dumetšwe e le ka go ikhola ga mošomi ka boyena, bjalo ka, bašomi ba babedi bao ba neelanago ka mošomo.
TŠHOMIŠO YA MATLA A BATHO
GO ADIMELWA MOŠOMO WO MONGWE
Ikangala Water a na le tokelo ya go iša mošomi o fe goba o fe wa yona dikantorong di fe goba di fe tša yona, go Lekgotla le fe goba le fe, parasteitale goba go kgoro e fe goba e fe ya mmušo, yeo e tla bago kantoro ya gagwe yeo a šomago go tšwa go yona. še še tla dirwa ka go boledišana le mošomi yo a amegago le/goba moemedi wa gagwe wa yunione.
Ntlha ya 5.1.3 ya molaotšhepetšo wo e tla diragatšwa ge bašomi ba šuthišwa gore ba phethagatše mešomo ya bona go ya ka kadimo ya bona, ge e le gore lebaka la bona la kadimo le feta dikgwedi tse tshelelago .
Ge e le gore lebaka la bona la kadimo le feta dikgwedi tše tshelelago , Ikangala Water e tla lefela ditshenyagalelo tša madulo a mošomi ga mmogo le tša leeto la go ya gae mafelelong a dibeke tše pedi dikgweding tša khalentara.
Ikangala Water e na le tokelo ya go bušetša morago mošomi o fe goba o fe nakong ye nngwe goba ye nngwe mme ya tsenya mošomi yoo ka go sekgoba seo se bulegilego sa Ikangala Water.
KGODIŠO MOŠOMONG LE GO THUŠA
Ge mošomi a godišwa go sekgoba sa maemo a ka godimo, kgodišo yeo e tla thoma go šoma go tloga letšatšing la mathomo la kgwedi yeo e latelago letšatši leo kgodišo yeo e dumeletšwego ka lona.
Go tla šomišwa mabaka a molaotshepetšo wa tšhutišo ya mošomi ge e le gore kgodišo yeo e ama khudugo. Tšhelete ka moka yeo e tla lefelwago e tla bewa godimo ga moputso woo o lefelwago go sekgoba seo a godišetšwago ka go sona.
Go thuša go swanetše go tšewa bjalo ka sekgoba sa mošomi go itšweletša le go oketša tšebo ya gagwe le maitemogelo.
Alawense ya motšwa o šwere e tla lefelwa ge mošomi a šwere go sekgoba sa ka godimo lebakeng la go feta matšatši a 30. Ge go le bjalo o tla hwetša alawense ya lebaka ka moka go akaretša matšatši a 30 a mathomo.
Alawense ya motšwa o šwere yeo e lefelwago e tla lekana le 7,5% ya magareng a sekgoba seo a thušago go sona. Alawense e tla lefelwa le go mošomo wa nako ya go fetelela ge go swanetše.
TLHAHLO LE TŠWELETŠO
DITHUTO
Ge bašomi ba Meetše a Ikangala ba swanetše go tsenela dithuto go ya ka dikgahlego tša mediro ya Ikangala Water, Ikangala Water a tla rwala ditshenyagalelo tša dithuto tšeo, ge e le gore foromo ya go tŠenela Thlahlo Thuto/khomferese/seminare/Thutotiragatšo e tladitšwe mme ya dumelelwa ke bolaodi bjo bo nago le matla.
MAIKEMIŠETŠO
a Dipašari tša dithuto tšeo di elwago sekolong lebaka ka moka
Ke go šoma bjalo ka setlabelo sa mafelo a mošomo ao ka go wona Ikangala Water e palelwago ke go kalatša le go swara palo yeo e kgotšofatšago ya bašomi go phethagatša dinyakwa tša yona.
b Dipasari tša dithuto tšeo di sa elwego sekolong lebaka ka moka
DINYAKWA TŠA PASARI
Ikangala Water a tla bea palo ya dipasari tšeo di tla dumelelwago, ga mmogo le mafapha a dithuto ao ka go wona dipašari di tla fiwago, go etšwe hloko tšeo di latelago:
Maikemišetšo a sekimi;
Go ba gona ga tšhelete; le
Maemo a dikgopelo.
Lefapha leo la thuto leo le fiwago lefelong la thuto leo le dumeletšwego le tla ba le dithuto tšeo ka go tšona pasari e filwego. Dithuto tšeo di tlago dirwa mafaseng a mangwe di tla dumelelwa fela ge e le gore lefapha la dithuto tšeo di hlokwago ke Ikangala Water ga di gona mono gae.
Go fiwa pasari bjalo ka moithuti yo a yago sekolong goba yo a tlago ithuta a le gae, bakgopedi ba swanetše go tlatša Foromo ya Lekgotla ya šemmušo ya Moithuti yo a ya go sekolong goba yo a tlago ithuta a le gae ya Kgopelo, ga mmogo le Kwano ya Pasari.
TŠHELETE YA PASARI
a Pasari ya moithuta sekolong lebaka ka moka
Ikangala Water e tla bona ge go na le tlhokego ya gore motho a hlahlwe, mme e tla fana ka tšhelete ya pasari lefapha ka lefapha, go etšwe hloko ditshenyegelo tša nnete tšeo di amegago dithutong tšeo, tšhelete ya tlhahlobo le ya ngwadišo, ga mmogo le tšhelete ya madulo le ditlabelo tšeo di nyakegago tša dithuto tšeo di amegago.
Tšhelete ya go lekana bogolo bja tšhelete ya ka tlase ya madulo ya lefelo leo la dithuto leo le amegago e tla lefelwa moithuti yo a sa dulego lefelong la mo a hwetšago dithuto gona.
Alawense ya go fihla go 10 % (yeo e swanago) ya tšhelete ya pasari e tla fiwa go ditshenyegelo tšeo di golaganego le dithuto tšeo di sa akaretšwago ka go 7.3.1 ka godimo.
Mo rešio ya dinyakwa tša pasari go tšhelete yeo e lego gona le go ditshenyegelo tša morwalo tša pasari e gapeletša bjalo, tšhelete ya pasari (yeo e swanago) e ka bewa mme ya se akaretše ditshenyegelo ka botlalo tšeo di amanago le dithuto, go sa kgathatšege seo se bolelwago ka godimo.
b Dipasari tša baithuti bao ba sego sekolong lebaka ka moka
Ditshenyegelo tša nnete tšeo di badilwego ka mokgwa wo o hlalošitšwego temaneng ya 7.3.1 mabapi le dipašari tša baithuta sekolong lebaka ka moka di a lefelwa go dipašari tša baithuti bao ba sego šekolong lebaka ka moka, go ša akaretšwe tšhelete ya madulo goba marobalo le dijo.
Ikangala Water e tla bea mokgwa wa go tsebagatša mafapha a dithuto ao ka go wona dipasari di lego gona tša baithuta sekolong lebaka ka moka, go etšwe hloko tlhlokego ya go netefatša pakisano ya maleba le phihlelelo yeo e nepagetšego ya dinyakwa tšeo di lego mabapi le dipasari.
Pasari ya baithuti bao ba sego sekolong lebaka ka moka ke ya bašomi fela ba Ikangala Water e sego batho ba ka ntle. Tšebišo ya yona e tla lebišwa fela go bašomi ba Meetše a Ikangala.
BAKGOPEDI BA DIPASARI
Ikangala Water e tla bea mokgwa wo ka wona dikgopelo tša dipasari di tla dirwago ka wona, ka dikgontšhi tša gore go fana ka tšhedimošo yeo e sego nnete e tla hlola go phaelwa thoko ga mokgopedi go ka fiwa pasari.
Dipasari di ka fihlelelwa ke badudi ka moka ba Afrika Borwa, fela bao e sego badudi ba Afrika Borwa bao ba setšego ba šomela Ikangala Water le bona ba ka fiwa dipasari.
Go fiwa ga pasari go tla ya le gore moithuti yo a akanywago o kgotšofatša dinyakwa tša kamogelo go lefelo leo a ikemišeditšego go ithuta go lona, goba dinyakwa tša go ruma dithuto tša lefelo leo a ikemišeditšego go ithuta go lona.
Dikgopelo tša pasari tša batho bao ba nago le bogole di swanetše go elwa hloko go no šwana le tša batho ka moka bao ba kgopelago pasari go etšwe hloko dithuto tšeo di lebišitšwego, ntle le ge dipasari tšeo di ikgethilego di beetšwe ka thoko bao ba nago le bogole.
tša maphelo le dinyakwa tše dingwe tša motheo tšeo di beilwego ke Ikangala Water tša go thwalwa ga mošomi mošomong di šwanetše go elwa hloko ge go lebelelwa bakgopedi ba dipasari.
a Dipasari tša bao ba lego sekolong lebaka ka moka
Ge go ka ba le go še tshepe go ba maleba ga mokgopedi, lebaka la go senka mokgopedi ka go mmotšološoša le ka fiwa, go etšwe hloko ditšhenyagalelo tšeo di amegago go šeo, goba dipeakanyo tša moleko wa tšhenko di ka dirwa ka ditšhenyegelo tša meetše a ikangala.
Bašomi ba Ikangala Water bao ba kgopelago dipasari tša dithuto tša lebaka ka moka ba tla bakišana le batho ba ka ntle go dipasari tšeo.
Kgetho ya bakgopedi ba dipasari e swanetše go lebagana le maikarabelo go setšhaba.
b Dipasari tša baithuti bao e sego ba lebaka ka moka
Mošomi o swanetše go ba le bokgoni bjo bo nyakegago go ka tšwelela dithutong tšeo di amegago, mme o swanetše go tšewa bjalo ka peeletšo ya ka moso ya Ikangala Water.
MELAO YA GO ŠOMIŠA PASARI
Ikangala Water e tla bea melao ya tšhomišo ya dipašari, ka dikgonegišo tša gore, mabakeng a dipašari tša baithuti ba lebaka ka moka, mošwari wa pašari o tla dira kwano le Ikangala Water go e šomela lebaka la go lekana le la dithuto/dithuto tšeo di sa felelwago ke nako tšeo pasari e bego e fetšwe tšona. Mo mabakeng a dipasari tša baithuti bao e sego ba lebaka ka moka, Ikangala Water e tla bea lebaka la tšhomo ya kgapeletšo, go etšwe hloko lebaka la mošomo leo le sa kgaolwago leo le phethilwego ke mošomi mo mošomong wa Ikangala Water, ka dikgonegišo tša gore mošomi wa lebaka leo le kgotsofatšago la mošomo mo go Ikangala Water, bjalo ka ge go bewa ke Ikangala Water, a ka hlokomologwa go kgapeletšego ya mošomo.
Dipasari di fiwa lebakeng la ka tlase leo le beilwego la dithuto, goba lebakeng la ka tlase leo le šetšego ge seripa se sengwe sa thuto se šetše še feditšwe. Baswari ba dipaaari ba awanetše go latela dithuto tša ka godimo tšeo di beilwego ke Ikangala Water, mme ba swanetše go hwetša mangwalo ka nako yeo e beilwego.
Poeletšo ya dithuto goba ya ngwaga wa dithuto tšeo ka go tšona pasari e hweditšwego go tšwa ka go Ikangala Water, e tla dirwa ka ditshenyegelo tša moswari wa pasari ka boyena.
Tlhahlo ya tiragatšo yeo e beilwego ke setlhangwa sa thuto e tla beakanywa magareng ga moswari wa pasari le Ikangala Water.
Go se be gona mošomong ga mošomi ka lebaka la go ya dithutong tšeo e sego tša lebaka ka moka, go lokišetša le/goba go ngwala ditlhahlobo, di swanetše go swarwa go ya ka ditumelelano tša Ikangala Water mabapi le tumelelo ya go se be gona mošomong.
MAGATO A TSHWARAGANYO
Baswari ba pasari ya Ikangala Water goba bao ba ka fiwago pasari ya Ikangala Water bao kabelo yeo e ka se hlwelego e bušetšwa morago, mme maemo a bona a tlago kowafatšwa ke tshenkoleswa ya dipasari go ya ka magato ao a lego ka go tšona, ba tla šomiša melao yeo e lego gona ya pasari go ya ka mabaka a motho ka motho.
GO ŠE LEKALEKANE LE DIPHETOGO
Go Še lekalekane go fe goba go fe goba diphetogo tša magato ao a welago ka ntle ga matla a Ikangala Water, di swanetše go išwa go Letona pele di diragatšwa.
a Bašomi bao ba lego maemong ao a nago le diyuniti tša HAY tša 392 mme ba lokelwa ke go ba le alawense yeo e sa šuthego ya koloi yeo e lego matleng a mebaraka. Bašomi ba bangwe bao ba swanetšego go sepela kgafetša kgafetša go phethagatša mešomo ya bona ka tšhwanelo, ba ka fiwa alawense yeo e swanetšego ya koloi goba ba beelwa koloi ya mošomong yeo e tla šomišwago mabakeng a mošomo fela.
b Bašomi bao ba tšeago karolo ba a tlamega go ya ka molaotshepetšo wo go netefatša gore koloi e dula e hlwekile ka dinako tsohle mme e le seemong seo se sa išego leina le seriti sa Ikangala Water fase.
c Alawense e tla lefelwa kgwedi ka kgwedi ga mmogo le moputso wo o tlwaelegilego morago ga go ntšha ditshenyegelo tšeo di lego mabapi le senamelwa tšeo di kolotwago Lekgotla.
DITŠHENYEGELO TŠEO DI ŠA ŠUTHEGO
Tefelo ya ka godimo ya kgwedi ka kgwedi, yeo e beilwego godimo ga maemo a sekgoba;
Ditshenyegelo tsa mašokotšo le kadimo ya tšhelete, ka dipoelo tšeo di amago kadimo;
Ditshenyegelo tša ngwadišo le tša laesense;
Tefelo ya inšorense.
Ditšhenyegelo tša tšhomo tša go akaretša makhura, tlhlokomelo le tokišo ka ditefelo tšeo di badilwego.
e Dialawenše di tla ntšhetšwa motšhelo go ya ka molao wa motšhelo.
Ditšhenyegelo tša alawense tšeo di ša šuthego di tla balwa di beilwe godimo ga lebaka la mengwaga ye mene go sa kgathatšege phetogo e fe goba e fe ya senamelwa seo se šomišwago nakong yeo.
TEFELO
Tefelo e ka dirwa ke Ikangala Water, goba e ka beakanywa le ba panka ya bona, godimo ga kwano ya go lefela morago tšhelete ka moka le mašokotšo lebakeng la dikgwedi tše 48. Tefelo ka Ikangala Water e tla dirwa ka tefelo ya bona ya semolao mola tefelo ka ba panka e tla dirwa ka tefelo ya yona ya mašokotšo.
Leeto leo le sepetšwego la poraebete leo ditshenyegelo ka botlalo di tlilego go lefelwa, di beilwe go 14 000 km ka ngwaga maemong ka moka. Ga go ditshenyegelo tšeo di tla lefelwago maetong a poraebete ao a fetago 14 000 km.
Leeto la go tšwa gae go ya mošomong le go boela gae ke la poraebete go ya ka Molao wa Motšhelo.
KGETHO YA SENAMELWA
Ga go na mapheko go kgetho ya senamelwa.
Bašomi bao ba amegago ba swanetše go netefatša gore dinamelwa tšeo di rekilwego di swanetše tiragatšo ya mošomo ya bona, go etšwe hloko seemo seo se lego gona le tsela, ka ge e le gore dinamelwa tša mošomong di ka se šomišwe e le ka lebaka la gore dinamelwa tšeo di rekilwego ga di a lebana mošomo.
Bašomi bao, nakong ya mathomo, ba lokelwago ke go fiwa sekgoba sa go hwetša senamelwa go ya ka tokomane ye ba ka iša senamelwa seo ba nago le sona mo sekiming go ya ka melao yeo e beilwego ka mo tokomaneng ye.
Ikangala Water e na le tokelo ya go laela mošomi gore a ntšhe senamelwa go sekimi ge Ikangala Water e ka tšea sephetho sa gore senamelwa ga sa lokela mošomo goba ge seemo/tebelelego di sa fe Lekgotla leina le le botse
Ditshenyegelo tša makhura le tokišo di tla rwalwa ke mošomi yo a amegago mme tša kgopelwa mafelelong a kgwedi ye nngwe le ye nngwe ka tefelo yeo e beilwego.
Tefelo ya kgopelo e tla dirwa kgwedi ka kgwedi go ditefelo tša meputso bjalo ka šeripa sa alawense ya šenamelwa.
Ditefelo di tla bewa godimo ga ditefelo tša Mokgatlo wa Dinamelwa (AA) go makhura le tikošo.
Ge senamelwa se utswitšwe, tokišo e kgolo yeo e hlotšwego tshenyego ya ditho tše dingwe goba tshenyego ya kotsi tšeo di amago senamelwa seo se lego ka gare ga sekimi se, goba mabakeng a fe goba a fe mo senamelwa se sego gona, mošomi yo a amegago o swanetše go ikhweletša thušo ya mesepelo ka boyena ke ditshenyegelo tša gagwe. Alawense e tla lefelwa go sa kgathatšege gore senamelwa seo se šomišwago ke sa mang.
PEAKANYO YA DINAMELWA
PEAKANYO YA PUTSELETŠO YA DINAMELWA
METHEO YA PUTSELETŠO
e Badiredi bao ba lego maemong ao a tshwerego diyunite tša HAY tše 392 le go feta ba dumelelwa go fiwa putseletšo yeo e tlhomamego ya mmotoro ka kgwedi yeo e khuetšwago ke mebaraka. Badiredi ba bangwe bao ba šupilwego bao ba tlhokago go tšwa maeto gantši gore ba kgone go phetha mešomo ya bona gabotse, le bona ba ka no dumelelwa go fiwa putseletšo ya mmotoro ya maswanedi goba ba fiwa wo mongwe wa mebotoro gore ba e šomišetše mabaka a mošomo fela.
f Badiredi bao ba kgathago tema ba na le boikgafo go ya ka molaotshepetšo wo bja go netefatša gore ka dinako kamoka senamelwa se bolokwa se hlwekile le gore ka moo se lego ka sona ga se fe seswantšho sa go se kgahliše ka Ikangala Water.
g Diputseletšo di tla lefšwa ka kgwedi mmogo le moputso wa ka mehla morago ga go ntšha ditshenyegelo tša go amana le senamelwa tšeo di kolotwago Lekgotla.
h Diputseletšo di tla akaretša:
DITSHENYEGELO TŠEO DI HLOMAMEGO
Tefo ya tšhelete ya kgwedi ye nngwe le ye nngwe, yeo e theilwego gore naa mošomo o legatong lefe;
Tswalo le ditshenyegelo tša go lefelela, ka tekanyo yeo e šomago go lounu;
Ngwadišo le ditshenyegelo tša ngwaga tša dilaesense;
Tefo ya inšorense.
DITSHENYEGELO TŠA GO FAPANA
Ditshenyegelo tša tšhomišo tšeo di akaretšago petrolo, ditokišo le hlokomelo ka ditefišo tšeo di badilwego.
e Diputseletšo di tla lefišwa lekgetho go ya ka Molao wa Lekgetho la Letseno.
Go balwa ga ditshenyegelo tša putseletšo yeo e hlomamego go tla thewa lebakeng la mengwaga ye meraro go se na taba le diphetogo dife goba dife go senamelwa seo se šomišwago ka nako yeo.
TŠA DITŠHELETE
Ditšhelete di ka no fiwa ke Ikangala Water, goba tša beakanywa le boradipanka ba yona, go theilwe go tšhelete ya botlalo le kwano ya tefo ya tswalo ka lebaka la tefo la dikgwedi tše 48. Ge ditšhelete di lefšwa ke Ikangala Water e tla ba ka tekanyo ya semmušo gomme ge e ele gore di tšwa go panka e tla ba ka tekanyo ya tswalo ya panka.
PEAKANYO YA DINAMELWA
MAETO A PRAEBETE
Bokgole bjo sepetšwego ka mabaka a praebete bjoo bo tla lefelelwago ditshenyegelo tša botlalo, bo hlomame go 14 000 km ka ngwaga ditekanyong kamoka. Ga go ditshenyegelo tša tshepelo tšeo di tla lefelelwago go leeto lefe goba lefe la praebete la go feta 14 000 km.
Go tloga moo motho a dulago go ya mošomong le go boela morago ke leeto la praebete go ya ka Molao wa Lekgetho la Letseno.
KGETHO YA SENAMELWA
Kgetho ya dinamelwa e ka se kgaoletšwe.
Badiredi bao ba kgathago tema ba swanetše go netefatša gore dinamelwa tšeo di rekwago di loketše go phetha mediro ya bona, go tšeelwa hlogong mabaka ao a lego gona le lefelo, ka ge dinamelwa tšeo di šomišwago ke bohle di ka se šomišetšwe lebaka la gore dinamelwa tšeo di rekilwego ga se di lekane.
Badiredi bao e lego gore ba dumelelwa moholeng wo la mathomo, ba ka no tliša senamelwa seo se lego gona moholeng wo go ya ka mabaka ao a boletšwego ka gare ga tokomane ye.
Ikangala Water e swara tokelo ya go laela modiredi go ntšha senamelwa go peakanyo ge e le gore Ikangala Water e ka no phetha gore senamelwa ga se se lokele mošomo wa modiredi goba ge e le gore maemo/ditebego tša sona ga di sepelelane le seswantšho sa go kgahliša sa Lekgotla.
DITSHENYEGELO TŠA TŠHOMIŠO
Ditshenyegelo tša makhura le hlokomelo di tla rwalwa ke badiredi bao ba kgathago tema le go kleimiwa mafelelong a kgwedi ye nngwe le ye nngwe ka ditefišo tša maswanedi.
Tefo ya dikleime e tla dirwa kgwedi ye nngwe le ye nngwe ka pheirolo bjalo ka karolo ya putseletšo ya senamelwa.
Ditefišo di tla thewa godimo ga tekanyo yeo e beilwego ke Automobile Association (AA) ya makhura le hlokomelo.
Lebakeng la go utsiwa, ditokišo tše dikgolo tšeo di bakilwego ke mekhenikale goba tshenyo ya kotsi tšeo di amago senamelwa sa ka fase ga Peakanyo ye, goba lebakeng le lengwe lefe goba lefe moo senamelwa se sego gona, modiredi yoo a kgathago tema o swanetše go dira maano a thwalo ye nngwe ka boyena le ka tshenyegelo ya gagwe. Putseletšo e tla no lefšwa go se na taba le borui bja senamelwa seo se šomišwago.
PEAKANYO YA DINAMELWA
BORUI
Senamelwa seo se rekilwego go ya ka Peakanyo ye se tla ngwadišwa ka leina la modiredi yoo a kgathago tema gomme borui bo tla ba go ya ka kwano ya theko/ditšhelete yeo e tsenetšwego. Ditshenyegelo tša tefo kamoka ya sanamelwa, tswalo, laesense, inšorense le makhura le hlokomelo di dula e le maikarabelo a modiredi yoo a kgathago tema.
TŠHOMIŠO YA SENAMELWA
Senamelwa seo se rekilwego go ya la Peakanyo ye ga se se swanele go šomišetšwa mabaka a kgwebo ya ka ntle.
BOIKGAFO BJA MODIREDI
Badiredi bao ba kgathago tema ba na le boikgago go ya ka molaotshepetšo wo mmogo le kwano ya theko/ditšhelete go netefatša gore dinamelwa di inšorilwe ka tshwanelo, di a sefiswa le go hlokomelwa ka dinako kamoka di be maemong ao e lego gore a loketše maeto a mošomo.
Mokgathatema ka Peakanyong ye o swanetše go boloka logpuku le go ngwala maeto kamoka ao a tšerwego. Dilog šiti di swanetše go fiwa Molaodi Kakaretšo wa tša Ditšhelete le Taolo mmogo le Karata ya Karatše kgwedi ye nngwe le ye nngwe le Fomo ya Kleimi ya Putseletšo gomme di se fihle go yena morago ga tšatši la bo 7 la kgwedi ye nngwe le ye nngwe.
MOSEPELO WA BADIREDI
Lebakeng la go leboga modiro, go rola modiro, go kobiwa tirelong goba lehu, tefo ya putseletšo e tla emišwa ka bjako.
Ka nako ya llifi yeo e dumeletšwego (go sa tsenywe lifi yeo e sa lefelelwego), tefo ya putseletso e tla tšwetšwa pele ge fela e e le gore lifi ye bjalo e le ka gare ga tlhako ya melaotshepetšo ya maswanedi. Ge go se bjalo, tefo ya putseletšo e tla fegwa.
Lebakeng la hlahlošo/theošo, putseletšo e tla fetolwa gore e sepelelane le tekanyo ka tšatši leo le tshwanago le leo hlahlošo/theošo e thomago go šoma ka lona. Motheo wa "Moputso woo o Šireleditšwego" o ka se šome labakeng la theošo ka baka la papalo ya mošomo yeo e sa kgahlišego goba tlolo ya molao wa thupišo.
PEAKANYO YA DINAMELWA
INŠORENSE
Išorense e ka no beakanywa ka Ikangala Water le miišori wa yona. Badiredi ba ka no šomiša bainšori ba bona, empa inšorense yeo e akaretšago dilo kamoka tša senamelwa ka Peakanyong ye e a gapeletšwa.
Khopi ya policy ya inšorense ye bjalo yeo e lego gona e swanetše go fiwa Molaodi Kakaretšo, Ditšhelete le Tshepetšo, morago ga go reka senamelwa go ya ka Peakanyo ye.
Modiredi yoo a kgathago tema ka go Peakanyo o tla rwala ka botlao maikarabelo a ditshenyegelo tšeo di ka no bago gona go tšwa kleiming efe goba efe ya išorense.
Modiredi yoo a šomišago senamelwa sa gagwe sa praebete ka mabaka a mošomo o swanetše go netefatša gore senamelwa sa gagwe se inšorilwe ka mabaka ao ka baka la gore Ikangala Water e ka se amogele maikarabelo afe goba afe a tahlego le tshenyego, tšeo di hlagilego go senamelwa.
DINTLO
METHEO
Ikangala Water e kwana le motheo wa go tšwetša pele le go hlohleletša borui bja dintlo gare ga badiredi ba yona.
Dikgahlego tša Ikangala Water di tla tla pele gomme ga go modiredi yoo a tla tšeago gore ke tokelo ya gagwe go gapeletša thušo.
Thušo ya tša dintlo ke Ikangala Water e tla balwa e le mohola wa tlaleletšo gomme e tla dira karolo ya sephuthana sa moputso.
Le ge e le gore Ikangala Water e fa badiredi ba yona thušo; e tshepa gore badiredi le bona ba swanetše go ke thuša go humana dintlo tša bona.
Ikangala Water e thekga gore badiredi ba yona ba kaonafatše maemo a bona ka go mmaraka wa dintlo, empa e ka se thuše badiredi ka mabakeng a go reka fela ka baka la dikakanyo goba ka dintlo tšeo ba ka se di kgonego.
PEAKANYO YA PUTSELETŠO YA TŠA DINTLO
Badiredi kamoka ba leruri ba tla dumelelwa putseletšo ya tša dintlo go ya ka dikwano le ditlamo tša molaotshepetšo wo.
Nako le nako, Lekgotla le ka no phetha bokaalo bja putseletšo ya kgwedi go ya ka tekanyo ya mošomo wo mongwe le wo mongwe gomme putseletšo ye bjalo e tla gatišwa bjalo ka Koketšo go Peakanyo ya Putseletšo ya Dintlo.
Putseletšo ya Dintlo e tla emišwa go lefša bofelong bja kgwedi ya mafelelo ya tirelo ge e le gore tirelo e fedišitšwe, go rola modiro, lehu goba bogole bjo begilwego semmušo.
Lebakeng leo Ikangala Water e nago le dintlo goba le di laola legatong la mmušo goba mokgatlo ofe goba ofe wa sekammušo, dintlo tšeo di ka no hirišetšwa badiredi ka tefišo yeo e sepelelanago le mebaraka bjalo ka ge go tla ba go phethilwe nako le nako ke Lekgotla.
KOKETŠO GO PEAKANYO YA PUTSELETŠO YA DINTLO
HLOKOMELA
Lekgotla le šomiša motheo wa phesente go phetha putseletšo. Se se ra gore putseletšo e no iphetogela ka boyona ge meputso ya theo o fetoga. Phesente e tla balwa go moputso wa theo wa modiredi wo mongwe le wo mongwe. Sekala sa phesente yeo e fetogago se thuša badiredi ba meputso ya fase, ka go oketša bokgoni bja bona go ba le dintlo.
Maemo a tlwaelo
Putseletšo
Mohlankedi Mogolo Phethiši, Balaodi Kakaretšo
Balaodi ba Dikgoro
Balaodi ba Dikarolo
Dihlogo tša Dikarolo/Ditsebi
Bahlahlobedi, Diforomane kakaretšo, Ditsebi
Basepediši, Baotledi
Bahlokomedi
Baetapele ba dipane
Bahlwekiši
KAKARETŠO
DIIRI TŠA MOŠOMO
Diiri tša mošomo tša semmušo tša balaodi kamoka le badiredi ba tshepedišo ke tše masomenne ka kgwedi, Mantaga go fihla Labohlano, go balwa dinako tša tee empa go sa balwe tša letena. Tšatši la semmušo la mošomo ke go tloga ka 07:30 go fihla ka 16:00 go tloga ka Mantaga go fihla ka Labohlano le sebaka la letena sa go tloga ka 12:30 go fihla ka 13:00. Tee/kofi di nwelwa lefelong la mošomo ka ge go se nako ya tee ya semmušo.
Diiri tša semmušo tša mošomo tša badiredi ba theknikale, ditshepetšo le ba thekgoi yeo e amanago, ke tše masomenne hlano ka beke, Mantaga go fihla ka Labohlano, gomme di tsenya nako ya letena. Dinako tša tee tša semmušo ke go tloga ka 09:00 go fihla ka 09:15 gomme nako ya letena ke go tloga ka 12:00 go fihla ka 12:30. Dinako tša go thoma le go tšhaya tša tšatši le lengwe le le lengwe di phethwa ke polante ye nngwe le ye nngwe/ karolo ya mošomo gore di sepelelane le mabaka a gona.
Diiri tša semušo tša mošomo tša badiredi kamoka ba dišifti ke tše masomenne hlano go beke ye nngwe le ye nngwe ya matšatši a tshelela. Dišifti di šongwa go ya ka lenaneo bjalo ka ge go phethilwe go polante ye nngwe le ye nngwe gomme mananeo a bjalo a dišifti ga a kgonegiše dinako tša dijo goba tša tee. (diiri tše 48 ka beke, go tšona diiri tše 3 di lefšwa ka ditekanyo tša nako ya tlaleletšo tša maswanedi).
Go fetolwa ga dišifti go tla dirwa mošomong gomme ga go motho yoo a lego šifting yoo a tla tlogago mošomong go fihla go tsena yo mogngwe legatong la gagwe.
DINYAKWA TŠA DIAPARO
Badiredi kamoka bao ba thwadilwego ke Ikangala Water ba nyakega gore ba apare gabotse ge ba eya mošomong, bjalo ka ge go boletšwe ka melawaneng nako le nako.
Diaparo tša polokego le/goba tša tšhireletšo di swanetše go aparwa ka dinako kamoka mabakeng kamoka ao a boletšwego go ya ka Ditshepetšo tša Polokego, tšeo di theilwego go Molao wa OHS, goba ge go laetše mohlahlobedi/molaodi ofe goba ofe.
Diaparo tša polokego le/goba diyunifomo di tla fiwa badiredi bao go nyakegago gore ba apare diaparo tše bjalo go ya ka melaotlhakwa ya polokego.
KAKARETŠO
THWALO YA KA NTLE YA GO PUTSWA
Modiredi ga se a swanele go šomela moputso ka ntle ga tirelo ya Ikangala Water ntle le tumelelo yeo e ngwadilwego fase pele ya go tšwa go Molaodi Mogolo Phethiši goba motho yo mongwe yoo a laetšwego ke yena ka lebaka leo.
Dikgopelo kamoka tša go phetha mošomo wa go putswa ka ntle ga tirelo ya Ikangala Water di swanetše go romelwa go Mohlankedi Mogolo Phethiši goba motho yoo a laetšwego ke yena ka Hlogo ya Kgoro gore di akanywe.
Tumelelo yeo e filwego e tla ba go ya ka mabaka a gore mošomo yo bjalo o seke wa tshwenyana le dikgahlego tša Ikangala Water goba o seke wa ba le thulano yeo e sa kgahlišego go papalo ya modiredi, gomme lebakeng leo tumelelo ye bjalo e tla fedišwa.
Tumelelo e tla ba gape go ya ka ditlamo le dikgaoletšo tšeo Mohlankedi Mogolo Phethiši goba bao ba laetšwego ke yena ba tla di gapeletšago go ya ka pono ya bona.
BOLELOKO BJA MAKGOTLA LE MEKGATLO YEO E LAOLAGO
Ga go modiredi wa Ikangala Water, ntle le Mohlankedi Mogolo Phethiši, yoo a tla bago leloko la Lekgotla lefe goba lefe la mokgatlo wa sekammušo goba wa pelaelo efe goba efe ya intasteri goba ka kgwebo goba wa mokgatlo ofe goba ofe wa mmušogae goba instithušene ya thuto ntle le tumelelo yeo e ngwadilwego fase go tšwa go Mohlankedi Mogolo Phethiši goba yo mongwe yoo a laetšwego ke yena ya gore a ka no direla mokgatlo wo bjalo.
Dikgopelo tša go direla mekgatlo ye bjalo di swanetše go išwa go Mohlankedi Mogolo Phethiši di ngwadilwe fase gomme pele ga nako go kgontšha ditshepetšo tša maswanedi go dirwa.
Dikgopelo di tla akanywa go ya ka dinywakwa tša molao le tša tirelo le ditlamo gomme di ka se ganwe go sa hlokege.
Tumelelo yeo e filwego e tla ba go ya ka ditlamo tša boleloko bjo bjalo gomme ga se di swanele go tshwenyana le dikgahlego tša Ikangala Water goba di be le thulano yeo e sa kgahlišego go mošomo wa modiredi, ge go ka ba bjalo tumelelo e tla fedišwa.
Dikgonegišo tša ka godimo di tšewa gore di šoma ka moo di lego ka gona (mutatis mutandis ) ke Mohlankedi Mogolo Phethiši, empa go ya ka tumelelo ya Modulasetulo wa Ikangala Water.
KAKARETŠO
LEKUNUTU, KGOKAGANO LE BOPHATLALATŠADITABA LE DINGWALWA TŠA DIKURANTA
Ga go modiredi yoo a sa dumelelwago yoo a tla utollago tshedimošo ya lekunutu mabapi le Ikangala Water, badiredi ba yona goba ditshepetšo go mang goba mang wa ka ntle ka mokgwa ofe goba ofe.
Ga go tshedimošo yeo e tla fiwago yunione le/goba modiredi yo mongwe ntle le tumelelo ya Mohlankedi Mogolo Phethiši goba yoo a laetšwego ke yena.
Ga go modiredi yoo a sa dumelelwago wa Ikangala Water yoo a swanetšego gore, ka fase ga mabaka afe goba afe a fe goba a utolle tshedimošo go goba go rerišana ka merero efe goba efe yeo e amago Ikangala Water, badiredi ba yona, ditshepetšo le leloko lefe goba lefe la baphatlalatšaditaba ba setšhaba.
Mediro ya Dikamano tša Setšhaba tša Ikangala Water e tšwa go kantoro ya Mohlankedi Mogolo Phethiši gomme ditaba kamoka tšeo di phatlalatšwago di tla dirwa ke kantoro yeo goba modiredi yoo a laetšwego ke Mohlankedi Mogolo Phethiši.
Ditlolo dife goba dife mabapi le taba ye di bonwa e le go robjwa ga kontraka go šoro.
BOLELOKO BJA MEKGATLO YA PROFEŠENALE
Badiredi ba hlohleletšwa go ba maloko a mekgatlo ya profešenale yeo ba e dumelelwago.
Modiredi yoo a ingwadišago bjalo ka leloko la mokgatlo wa profešenale, go eya ka gore na ditšhelete di gona, a ka no kleima go bušetšwa ditšhelete tša tefišo ya boleloko tšeo a di lefilego tša ngwaga ka moo go latelago:
Balaodi bogolo ba ka no kleima boleloko bja mekgatlo ye , o tee wa yona e ka no ba mokgatlo wa boditšhabatšhaba, le
Badiredi ba banngwe ba profešenale ba ka no kleima boleloko bja mekgatlo ye ya setšhaba ya Rephaboliki ya Afrika Borwa.
Dikleime kamoka di swanetše go išwa go Kgoro ya Go Šoma ka Batho pele ga tefo.
KAKARETŠO
KAMOGELO YA DIMPHO
Ga go modiredi wa Ikangala Water yoo, ka lebaka lefe goba lefe, a tla amogelago goba a gapeletša go fiwa mpho ya mohuta ofe goba ofe, e le kheše goba ya tebogo ka mabaka a, goba e sepelelana le go phetha mešomo ya gagwe, ntle le tumelelo yeo e ngwadilwego fase ya Mohlankedi Mogolo Phethiši.
Neo efe goba efe yeo e amogetšwego mabapi le taba ye go tšwa go mang goba mang e tla begwa go Mohlankedi Mogolo Phethiši ka pela.
Dikgonegišo tša godimo di tšewa ke Mohlankedi Mogolo Phethišo gore di amogelwa ka moo di lego ka gona (mutatis mutandis), empa go ya ka tumelelo ya Modulasetulo wa Lekgotla la Ikangala Water.
THWALO/DINAMELWA
Moo modiredi a dumeletšwego ke Ikangala Water go šomiša senamelwa sa gagwe go phetha mediro ya gagwe, modiredi o tla lefelelwa go šomiša senamelwa sa gagwe ka tekanyo yeo e dumeleletšwego ke Ikangala Water nako le nako.
Badiredi ba swanetše go tsebiša Ikangala Water ka bjako, ge ba ka se kgone go tla mošomong (bonyane pele ga 10H00 ka tsatši la pele la go se be gona). Badiredi bao ba sa tlego mošomong ba sa fiwa tumelelo goba ba sa tsebiša Ikangala Water matšatši a go feta a mahlano a go latelelana , ba tla tšewa gore ba fedišitše tirelo ya bona le Ikangala Water, ka ntle le ge badiredi ba bjalo ba kgona go fa mabaka a go kwala a go se tle ga bona mošomong gore ke ka baka la eng ba se ba botše Ikangala Water ka go se tle ga bona mošomong nako e sa le gona.
KAKARETŠO
Morago ga go amogela mošomo go Ikangala Water, go se na taba gore ke mošomo wa leruri, mošomo wa nakwana, hlahlošo, tshutišetšo goba mošomo wa tlatšo, modiredi o tla šala morago Maemo a a Thwalo :
Modiredi o swanetše go latelela dinyakwa tša Hlalošo ya Mošomo ya maemo ao a thwadilwego go wona ka nako efe goba efe yeo e itšego.
Modiredi o swanetse go amogela le go latelela Molaotshepetšo wa Methopo ya Batho le Ditshepetšo tša Ikangala Water.
Modiredi o laolwa ke Molao wa Thupišo le Ditshepetšo tša Ikangala Water.
Modiredi o swanetše go phetha taelo efe goba efe ya semolao le yeo e kwalago yeo a e filwego ke mohlankedi mogolo, ge fela e le gore taeolo ye bjalo e amana le kgwebo ya Ikangala Water.
Modiredi o swanetše go theeletša taelo efe goba efe ya semolao le yeo e kwalago ya go amana le Polokego, Maphelo Tšhireletšo, go se na taba le tekanyo ya motho yoo a fago taelo ye bjalo.
Modiredi o lokologile go šomiša Tshepetšo ya Dingongorego ya Ikangala Water.
Modiredi o lokologile go phetha tokelo ya gagwe ya go ba leloko la mokgatlo ofe goba ofe wa badiredi, empa Ikangala Water e ka se tsenelel dikwano tša mohlakanelwa le mekgatlo ya badiredi yeo e lemowago ya ka gare ga tshepetšo ya yona le intasteri.
Badiredi ba swanetše gore ka dinako kamoka ba itshware ka mokwa woo e lego gore o ka se leše dihlong Ikangala Water le badiredi ba yona.
Ga go modiredi yoo a swanetšego go tliša dinotagi lefelong la mosomo la Ikangala Water, goba go tliša dino tše bjalo ka lefelong leo go bolelwago ka lona, goba go boloka dino tše bjalo go yena ka lefelong la mošomo.
Modiredi ofe goba ofe yoo a otlelago senamelwa, goba go sepetša le go otlela koloyana (crane), šofele goba senamelwa sefe goba sefe goba sedirišwa sa mekhenikale sa Ikangala Water a tagilwe ke selo sefe goba sefe, o tla otlelwa go se itshware gabotse go šoro.
Badiredi ba swanetše go latelela melawana kamoka ya polokego le go tšea dihlokomelo kamoka tša polokego le tšeo di hlokegago.
Dikgobalo tšeo di diregago lefelong la mošomo la Ikangala Water tšeo go tšona modiredi ofe goba ofe wa Ikangala Water a ka no bago karolo, goba tšeo di ka no amago Ikangala Water, di swanetše go begwa ka mehla go mohlahlobedi yoo a hlokomelago karolo yeo e amegago. Mohlahlobedi o swanetše go netefatša gore tiragalo e begilwe go mohlankedi yoo a hlokomelago polokego ya mošomong, mmogo le go lefelo la kgauswi la bongaka goba kliniki.
MAIKHUTŠO A SETŠHABA LE A MOLAO
Maikhutšo kamoka a setšhaba le a molao a tla tšewa e le maikhutšo a setšhaba go ya ka Molao wa Maikhutšo a Setšhaba, 1994 (Molao 36 wa 1994).
MOLAO WA THUPIŠO, DITSHEPETŠO TŠA DINGONGOREGO LE DIPELAELO
A. MAIKEMIŠETŠO
Go thekga dikamano tša bašomi tša go agiša ka gare ga mafelo a mošomo.
Go godiša hlomphano gare ga badiredi le mothwadi.
Go netefatša gore badiredi le balaodi ba kwešiša ka go tshwana go se itshware gabotse le thupišo.
Go godiša maitshwaro ao a amogelegago.
Go fa badiredi le mothwadi tšhupetšo ya ka pela le ye bonolo ya go diragatšwa ga thupišo.
Go phefa le go lokiša maitshwaro ao a sa amogelegego.
Go thibela ditiro tša go bapetša le tša go kgetholla badiredi ke balaodi ba bona.
B. METHEO YA KAKARETŠO
Metheo yeo e latelago e bopa karolo ya Molao wa Thupišo le Ditshepetšo gomme o swanetše go šalwa morago ge sephetho sefe goba sefe se tšewa.
Thupišo ke kgato ya go phošolla e seng ya go otla.
Thupišo e swanetše go phethwa ntle le tikatiko, ka go lekana, ka go tshwana le ka go tšwela pele.
Thupišo ke modiro wa balaodi.
Molao wa thupišo o a hlokega gore tirelo e dirwe gabotse le gore badiredi ba tshwarwe ka go lekana gomme e netafatša gore a ba ba le theeletšo ya nnete ka lefelong la semmušo goba leo e sego la semmušo;
b ba tsebišwa ka nako ka bosenyi bjo gononelwago bjo dirwago kgahlanong le bona;
c ba humana mabaka ao a ngwadilego fase a sepheto seo se tšerwego; le d na le tokelo ya go dira boipiletšo bja tshekoleswa kgahlanong le sephetho sefe goba sefe se tšerwego.
Go ya ka moo go kgonegago, dikgato tša thupišo di tla dirwa ka lefelong la mošomo .
Ge modiredi a ka se isthware gabotse, seo ke bosenyi gape, tshepetšo ya bosenyi le tshepetšo ya thupišo di tla tšwela pele bjalo ka ditshepetso tše aroganego le tša go fapana.
Ditshepetšo tša thupišo ga di tsene legatong la kgotla goba go ekiša ditshepetšo tša gona.
Molao le Ditshepetšo ke methalohlahli gomme di ka no tlogelwa mabakeng a maswanedi.
C. SEBAKA SA TŠHOMIŠO
D. MOLAO, MELAWANA LE MAEMO
Molao le Maitshwaro a mabotse tšeo di lego ka go Šetulo 8 ya Molao wa Dikamano tša Bašomi Molao 66 wa 1995, go ya ka moo o amanago le thupišo, o dira karolo ya Molao le Ditshepetšo tše.
Maitshwaro a modiredi ao a ka no nyakago tiro ya thupišo a badilwe ka go Tlaleletšo A. Lenaneo le ga se le felelele. Bolaodi bo ka no rupelela modiredi maitshwaro a mangwe, ge e le gore modiredi o tsebile, goba nkabe a tsebile, gore maitshwaro a bakile motheo wa tiro ya thupišo.
Ge go phethwa Tlaleletšo A, bolaodi bo swanetše go sekaseka bošoro bja bosenyi bjo akanywago;
a Thulano ya nnete goba yeo e ka no bakwago ke bosenyi mošomong wa Ikangala Water, karolo ya modiredi le basomammogo, le setšhaba;
b Mohuta wa modiro wa modiredi le maikarabelo a gagwe; le c Thulano go polokego ya modiredi, bašomammogo ba gagwe le tshepetšo ka kakaretšo ya Ikangala Water.
E. DITSHEPETŠO: DITIRO TŠA THUPIŠO
Kgakollo ya phošollo.
Mabakeng ao go wona bošoro bja bosenyi bo nyakago gore go be le kgakollo, molaodi wa modiredi o swanetše go:
a Botša modiredi ka bosenyi;
b Phetha mabaka a bosenyi le go fa modiredi sebaka sa go ikarabela dikgonono;
c Kgopela go humana kwano ya gore bosenyi bo ka phekolwa; le d Tšea magato go diragatša dikgato tša thupišo tšeo go kwanwego ka tšona.
Ditemošo tša Molomo.
Mabakeng ao go wona bošoro bja bosenyi bo nyakago temošo ya molomo, molaodi o swanetše go tsebiša modiredi gore bosenyi bjo bongwe bo ka no dira gore go tšewe magato a thupišo a go ba šoro kudu le go ngwala fase temošo.
Ditemošo tše di ngwadilwego fase
Mabakeng ao go wona bošoro bja bosenyi bo nyakago temošo ya molomo, molaodi a ka no fa modiredi temošo yeo e ngwadilwego fase. Dikgonegišo tšeo di latelago di šoma go temošo yeo e ngwadilwego fase:
a Temošo yeo e ngwadilwego fase e ka no šomiša fomo ya Tlaleletšo ya B.
b Molaodi o swanetše go fa modiredi khopi ya temošo yeo e ngwadilwego fase, gomme a saene gore o e amogetše. Ge modiredi a gana go saena gore o e amogetše, molaodi o swanetše go fa modiredi temošo yeo e ngwadilwego fase go ena le modiredi yo mongwe, gomme a saene go netefatša gore temošo yeo e ngwadilwego fase e filwe modiredi.
c Temošo yeo e ngwadilwego fase e swanetše go bewa ka gare ga faele ya modiredi.
d Temošo yeo e ngwadilwego fase e šomalebakala dikgwedi tše tshelela. Ge dikgwedi tše tshelela di feta, temošo yeo e ngwadilwego fase e swanetše go ntshwa ka gare ga faele ya modiredi gomme e lahlwe.
e Ge e le gore, lebakeng la dikgwedi tše tshelela modiredi o tsenela tiro ye nngwe ya thupišo, temošo yeo e ngwadilwego fase e ka no tšeelwa hlogong ga ge phethwa ka kotlo ya maswanedi.
Ditemošo tšeo di ngwadilwego fase tša mafelelo
Mabakeng ao go wona bošoro bja bosenyi bo nyakago temošo yeo e ngwadilwego fase ya mafelelo, molaodi a ka no fa modiredi temošo yeo e ngwadilwego fase ya mafelelo. Dikgonegišo tšeo di latelago di šoma go temošo yeo e ngwadilwego fase ya mafelelo:
a Temošo yeo e ngwadilwego fase ya mafelelo e ka no šomiša fomo ya Tlaleletšo ya C.
b Molaodi o swanetše go fa modiredi khopi ya temošo yeo e ngwadilwego fase ya mafelelo, gomme a saene gore o e humane. Ge e le gore modiredi o gana go saena gore o e ammogetše, molaodi o swanetše goi fa modiredi temošo yeo e ngwadilwego fase ya mafelelo go ena le modiredi yo mongwe, gomme a saene go netefatša gore temošo yeo e ngwadilwego fase ya mafelelo e filwe modiredi.
c Temošo yeo e ngwadilwego fase ya mafelelo e swanetše go tsenywa ka gare ga faele ya modiredi.
d Temošo yeo e ngwadilwego fase e šoma lebaka la dikgwedi tše tshelela. Ge dikgwedi tše tshelela di feta, temošo yeo e ngwadilwego fase e swanetše go ntšhwa ka gare ga faele ya modiredi gomme e lahlwe.
e Ge e le gore, lebakeng la dikgwedi tše tshelela modiredi o tsenela tiro ye nngwe ya thupišo, temošo yeo e ngwadilwego fase e ka no tšeelwa hlogong ge go phethwa ka kotlo ya maswanedi.
Ka bosenyi bjoo bo sego šoro kudu, ga go nyakišišo ya semmušo yeo e tla swarwago.
Ka mabaka a go phetha ka magato a thupišo a maswanedi, ditemošo tšeo di somago tša bosenyi bja go swana bja modiredi di tla tšeelwa hlogong.
F. BOSENYI BJO ŠORO
Ge bosenyi bjo gononelwago bo nyaka kgato ya thupišo ye šoro kudu go feta tšeo di kgonegišitšwego ka godimo, mothwadi a ka no dira gore go be le phatišišo ya thupišo. Mothwadi o swanetše go kgetha moemedi, yoo e le go gore, go ya kgole ka moo go kgonegago o swanetše go ba molaodi wa modiredi, go šimolla nyakišišo.
G. NYAKIŠIŠO YA THUPIŠO
a Modiredi o swanetše go fiwa tsebišo yeo e ngwadilwego fase bonyane matšatši a mararo a mošomo pele ga tsatši la theeletšo.
b Modiredi o swanetše go saena gore o amogetše tsebišo. Ge modiredi a gana go saena gore a mogetše tsebišo, e swanetse go fiwa modiredi go ena le modiredi yo mongwe yoo a tla saenago gore netefatša gore tsebišo e filwe modiredi.
c Tsebiso yeo e ngwadilwego fase ya kopano ya thupišo e ka no šomiša fomo ya Tlaleletšo ya D le go kgonegiša:
Hlalošo ya kgononelo le bohlatse bjo bo golo bjoo modiredi a itshepilego bona;
Dintlha tša nako, lefelo le moago wa theeletšo; le
Tshedimošo ka tokelo ya modiredi go ba le kemedi ya modiredi yo mongwe goba yunione, le go tliša dihlatse ka theeletšong.
PHEGO YA TLHOKOMELO
a. Mothwadi a ka no fega modiredi ka mogolo woo o tletšego goba a mo šuthišetša ge e le gore
Modiredi o gononelwa gore o dirile bosenyi bjo šoro; le
Mothwadi o tshepa gore go ba gona ga modiredi lefelong la mošomo go ka no tsenya kotsing nyakišišo efe goba efe ya bosenyi bjo gononelwago, goba gwa tsenya kotsing go ba gabotse goba polokego ya motho ofe goba ofe goba maruo a Lekgotla.
b. Phego ya mohuta wo ke kgato ya tlhokomelo gomme ga se kahlolo, gomme e swanetše go ba ka mogolo woo o tletšego.
c. Ge modiredi a fegilwe goba a šuthišeditšwe e le kgato ya tlhokomelo mothwadi o swanetše go swara theeletšo ya thupišo lebakeng la matšatši a 21 a go šoma. Modulasetulo wa theeletšo o swanetše go phetha ka pušetšo morago ye nngwe.
GO SEPETŠA THEELETŠO YA THUPIŠO
a Theeletšo ya thupišo e swanetše go swarwa lebakeng la matsatši a lesome a go šoma morago ga ge tsebišo e filwe modiredi.
b Modulasetulo wa theeletšo e swanetše go ba modiredi yoo a lego tekanyong ya godingwana go feta moemedi wa modiredi. Ge ele gore modiredi yoo a gononelwago bosenyi ke Mohlankedi Mogolo Phethiši goba hlogo ya kgoro, mohlankedi yoo a sepetšago kopano e swanetše go ba Modulasetulo wa Lekgotla goba motho yo mongwe wa go ba le tsebo ya maswanedi yoo a laetšwego ke Lekgotla.
c Ge modiredi a nyaka, a ka no emelwa ke modiredi yo mongwe goba moemedi wa yunione yeo e lemogwago.
d Ge go hlokega, toloki e ka no ba gona theeletšong.
e Ka theeletsong ya thupišo, mothwadi goba modiredi ga se ba swanele go emelwa ke ramolao, ka ntle le ge modiredi e le ramolao. Ka mabaka a kwano ye, ramolao o hlalošwa e le motho yoo a amogetšwego tirong bjalo ka moadfokata goba ramolao ka Afrika Borwa.
f Ge modiredi a sa kgone go tsenela kopano gomme modulasetulo a phetha gore modiredi ga a na lebaka la go kwala, theeletšo e ka no tšwelapele modiredi a se gona.
g Modulasetulo o swanetše go boloka tsebišo ya theeletšo ya thupišo le ditiragalo tša kopano.
h Modulasetulo o tla bala tsebišo gore e ngwalwe gomme a thoma ka theeletšo.
i Moemedi wa mothwadi o tla eta pele bohlatse bja maitshwaro ao a bakilego theeletšo. Modiredi goba moemedi wa modiredi a ka no botšološa hlatse efe goba efe yeo e tlišitšwego ke mothwadi.
j Modiredi o tla fiwa sebaka sa go eta pele bohlatse. Moemedi wa mothwadi a ka no botsološa dihlatse.
k Modulasetulo a ka no botšisa hlatse efe goba efe dipotšišo go humana hlakišo.
l Ge ele gore modulasetulo o phetha gore modiredi o dirile bosenyi, o swanetše go tsebiša modiredi ka sephetho le mabaka a gona.
m Pele ga go dira sephetho ka kotlo, modulasetulo o swanetše go fa modiredi sebaka sa go hlagiša mabaka a gore kotlo e be bofefo. Moeoedi wa mothwadi le yena a ka no fa mabaka a go dira gore kotlo e be boima.
n Modulasetulo o swanetše go botša modiredi ka sephetho sa bofelelo sa theeletšo lebakeng la matšatši a hlano a go šoma morago ga ge theeletšo ya thupišo e fedile gomme sephetho sa gona se tshwanetše go ngwalwa ka gare ga faele ya modiredi.
DIKOTLO
a Ge modulasetulo a humana gore modiredi o dirile bosenyi bjo šoro, o swanetše go bega kotlo, go etšwa ka tlhago ya taba le bosoro bja bosenyi, direkhoto tša kgale tša modiredi le mabaka afe goba afe a go bebofatša goba a go imetša. Dikotlo ke:
Kgakollo;
Temošo yeo e ngwadilwego fase;
Temošo yeo e ngwadilwego fase ya mafelelo;
iv. Phego ntle le mogolo, dikgwedi tša go feta tše tharo;
vi. Kopanyo ya tša godimo; goba vii. Go kobiwa.
b Ka tumelo ya modiredi, modulasetulo a ka no gapeletša kotlo ntle le mogolo goba theošo legatong la go kobiwa. Ge modiredi a theošitšwe, morago ga ngwaga a ka no dira kgopelo ya hlahlošo a sa kgethollwe.
c Mothwadi a ka se diragatše kotlo ge e le gore modiredi o kgopetše tshekoleswa.
H. TSHEKOLESWA
Modiredi a ka no dira kgopelo ya tshekoleswa ya sephetho goba kotlo ka go tlatša Tlaleletšo ya E.
Modiredi o swanetše gore, lebakeng la matšatši a go šoma a hlano morago ga go humana tsebišo ya sephetho sa mafelelo goba tshepetšo ye nngwe ya thupišo, a iše kgopelo ya tshekoleswa go modulasetulo wa Lekgotla goba molaodi wa gagwe, yoo a tla e fetišetšago pele go bolaodi bja boipiletšo ka tshekoleswa.
Bolaodi bja tshekoleswa bjo bo tla tšeelago hlogong kgopelo ya tshekoleswa bo tla ba:
a Modulasetulo wa Lekgotla; goba b Mohlankedi Mogolo Phethiši goba modiredi yoo a laetšwego goba modiredi yo mongwe le yo mongwe yoo a laetšwego, yoo
A sego a kgathe tema go sephetho sa go dira tshepetšo ya thupišo, le
A lego tekanyong ya godimo go feta Modulasetulo wa theeletšo ya thupišo.
Ge modiredi e le hlogo ya kgoro, modulasetulo wa Lekgotla o tla tšeela hlogong kgopelo ya tshekoleswa.
Ge bolaodi bja tshekoleswa bo ka nyaka theeletšo, bo tla tsebiša modiredi ka tsatši le lefelo.
Bolaodi bja tshekoleswa bo ka no a Thekga kgopelo ya tshekoleswa, le/goba b Fokotša kotlo, goba c Netefatša sephetho sa tshepetšo ya thupišo.
Mothwadi o tla diragatša ka bjako sephetho sa bolaodi bja tshekoleswa.
Hlokomela: Modiredi o swara tokelo ya go šomiša mekgwa ya tharollo ya dingangišano yeo e kgonegišitšwego ka fase ga Molao wa Dikamano tša Bašomi.
TLALELETŠO YA A
DITIRO TŠA BOSENYI
Modiredi o tla humanwa a le molato wa go senya ge e le gore, gare ga tše dingwe o, (ga se e felelele):
O o ganetšana le Molao, molawana goba ditlamo tša semolao.
Ntle le tumelelo o swara goba go šomisa ka mokgwa woo e sego wa nnete maruo a Ikangala Water, a modiredi yo mongwe/goba moeng.
Ka go rata, ka maikemišetšo goba ka baka la go se hlokomele o senya goba o bakela maruo a Ikangala Water tahlegelo.
O tsenya kotsing bophelo bja gagwe le bja bangwe ka baka la go se latelele melawana ya polokego le tšhireletšo.
O palediša tshepetšo, thupišo goba go šoma gabotse ga Ikangala Water.
Ga a šomiše gabotse maemo a gagwe ka Ikangala Water go tšwetša pele goba go palediša dikgahlego tša mokgatlo wa dipolotiki ofe goba ofe.
O amogela tefo efe goba efe ya kheše goba ye nngwe go tšwa go leloko la setšhaba goba modiredi yo mongwe gore a mo direle mediro ya gagwe, ntle le tumelelo yeo e ngwadilwego fase ya Ikangala Water.
O palelwa ke go phethagatša taelo ya semolao goba ya tlwaelo ntle le mabaka a go kwala.
Ga se a tle mošomong goba o phela a se go mošomong ntle le mabaka go kwala goba tumelelo.
O tshwenya ka tša thobalano
O kgetholla bangwe ka baka la morafe wa bona, bong, bogole, tša thobalano goba mabaka a mangwe ao Molaotheo o sa a dumelelego.
Papalo ya mošomo wa gagwe ga e kgahliše goba ga se e lekane ka mabaka ao a sa kwalego.
Ntle le tumelelo yeo e ngwadilwego fase ya go tšwa go Ikangala Water, o direla motho goba mokgatlo wo mongwe mediro ya go putswa ya praebete ka nako ya mošomo goba morago ga mošomo.
O robala mošomong ntle le tumelelo.
Ge a le mošomong, ga a itshware gabotse, o itshwara ka mekgwa yeo e lešago dihlong yeo e sa amogelegego.
O ganetšana le Molao wa Maitshwaro ofe goba ofe woo o boletšwego wa Ikangala water.
O leka go gobatša goba o a gobatša goba go tšhošetša go gobatša modiredi yo mongwe goba motho a le mošomong.
O hlohleletša badiredi ba bangwe go ba le maitshwaro ao e sego a nnete le ao a sego molaong.
O bontšha go se hlomphe bangwe mošomong goba maitshwaro ao a sego gabotse.
O tšhošetša goba go otla badiredi ba bangwe.
O thibela badiredi ba bangwe go ba maloko a yunione.
O sepetša peakanyo ya go adima badiredi ba bangwe ditšhelete gore a holege ka dinako tša mošomo goba lefelong la Ikangala Water.
O itshwara goba o boloka dithunya goba dibetša tše bohlokwa lefelong la Ikangala Water, a se na tumelelo yeo e ngwadilwego fase ya modiredi.
O gana go theeletša melawana ya polokego.
O fa ditaodišo goba bohlatse bja maaka ge a dira mediro ya gagwe.
O fa direkhoto goba ditokomane dife goba dife tšeo e sego tša nnete.
O kgatha tema go ditiro tše sa šireletšwago le/goba tšeo e sego tša molao.
O tlola molao wa setlwaedi goba woo o ngwadilwego fase a lefelong.
O utolla tshedimošo ya lekunutu go motho goba batho bao ba se nago tokelo ya go e humana.
TEMOŠO YEO E NGWADILWEGO FASE
TŠATŠI ...
LEINA LA MODIREDI ...
DINTLHA TŠA MODIREDI ...
Ye ke temošo yeo e ngwadilwego fase go ya ka tshepetšo ya thupišo. Ge o ka se itshware gabotse gape, temošo yeo e ngwadilwego fase e ka no tšeelwa hlogong ge go phethwa ka kotlo ye šoro kudu.
Temošo yeo e ngwadilwego fase e tla tsenywa ka gare ga faele ya gago gomme e tla šoma lebaka la dikgwedi tše tshelela go tloga ka tšatši la temošo yeo e ngwadilwego fase. Morago ga dikgwedi tše tshelela temošo yeo e ngwadilwego fase e tla ntšhwa ka gare ga faele ya gago gomme ya lahlwa.
Ge e le gore o gana temošo, o ka no romela kgopelo ya tshekoleswa go [LEINA] lebakeng la matšatši a mahlano a go šoma.
Mohuta wa bosenyi ke: ...
TSHAENO YA MODIREDI
TŠATŠI:
TSHAENO YA MOLAODI
TŠATŠI:
TSHAENO YA HLATSE (ge e le gona)
TŠATŠI:
TLALELETŠO YA C
TEMOŠO YEO E NGWADILWEGO FASE YA MAFELELO
TŠATŠI ...
LEINA LA MODIREDI ...
DINTLHA TŠA MODIREDI ...
Ye ke temošo yeo e ngwadilwego fase go ya ka tshepetšo ya thupišo. Ge o ka se itshware gabotse gape, temošo yeo e ngwadilwego fase ya mafelelo e ka no baka gore ditshepetšo tša bosenyi tša semmušo di tsenywe kgahlanong le wena. Temošo yeo e ngwadilwego fase e tla tsenywa ka gare ga faele ya gago gomme e tla šoma lebaka la dikgwedi tše tshelela go tloga ka tšatši la temošo yeo e ngwadilwego fase. Morago ga dikgwedi tše tshelela temošo yeo e ngwadilwego fase e tla ntšhwa ka gare ga faele ya gago gomme ya lahlwa.
Ge e le gore o gana temošo ya mefelelo yeo e ngwadilwefo fase, o ka no romela kgopelo ya tshekoleswa go [LEINA] lebakeng la matšatši a mahlano a go šoma.
Mohuta wa bosenyi ke: ...
TSHAENO YA MODIREDI
TŠATŠI:
TSHAENO YA MOLAODI
TŠATŠI:
TSHAENO YA HLATSE (ge e le gona)
TŠATŠI:
TLALELETŠO YA D
TSEBIŠO YA KOPANO YA THUPIŠO
TŠATŠI ...
LEINA LA MODIREDI ...
DINTLHA TŠA MODIREDI ...
O fiwa tsebišo ya go tsenela kopano ya thupišo go ya ka lefokwana 11.1 F la Molao wa Thupišo.
Bosenyi bjo gononelwago le bohlatse bjo lego gona ke:
Hlalošo ya botlalo ya bosenyi e ka no hlomesetšwa
Kopano e tla tshwarelwa ... [LEFELO] KA ... [TŠATŠI] ... [NAKO]
Ge o ka se tle gomme wa palelwa ke go fa mabaka a go kwala gore ke ka baka la eng, kopano e tla tshwarwa o se gona.
Mošomammogo wa gago goba moemedi wa yunione yeo e lemogwago a ka no go emela.
O ka no fa kopano bohlatse bja ditokomane goba ka dihlatse. O tla ba le tokelo ya go botšolotsa hlatse efe goba efe yeo e tlišitšwego ke kgoro.
Ge nyakišišo e re o molato, o ka no tliša mabaka afe goba afe a maswanedi ge go dirwa sephetho sa kotlo ya thupišo ya maswanedi.
TSHAENO YA MODIREDI
TŠATŠI:
TSHAENO YA MOEMEDI WA MOTHWADI:
TSHAENO YA HLATSE (ge e le gona)
Tšatši:
TSEBIŠO YA TSHEKOLESWA
TŠATŠI ...
LEINA LA BOLAODI BJA TSHEKOLESWA ...
Nna ... [LEINA LA MODIREDI] ke tsenya kgopelo ya tshekoleswa kgahlanog le tiro ya thupišo yeo e filwego ka ... [TŠATŠI] mo ... [LEFELO].
Ke hlomesetša khopi ya nyakišišo ya thupišo le/goba temošo yeo e ngwadilwego fase.
KGOPELO YA TSHEKOLESWA GA SE YA NNETE KA NTLE LE GE DITOKOMANE TŠE DI HLOMESEDITŠWE
Mabaka a ka a go kgopela tshekoleswa ke: ...
Poelo yeo e rategago ya tshekoleswa ke: ...
Ke rata/ga ke rate[KGETHA YE TEE] go fa bohlatse bja tlaleletšo bjo bo bego bo se gona ka nako ya tshepetšo ya thupišo.
TSHAENO YA MODIREDI
TŠATŠI:
DINTLHA TŠA MODIREDI
TSHEPETŠO YA DIPELAELO
A. TLHALOŠO YA PELAELO
Pelaelo ke maikutlo a go se kgotsofale ao modiredi a a kwago goba sehlopha sa badiredi, ka baka la maitemogelo a go se kgahliše ka go kamano ya tirelo.
B. MAIKEMIŠETŠO A TSHEPETŠO YA DIPELAELO
Tshepetšo ya dipelaelo e diretšwe go kgona go:
Fokotša dingangišano ka kamanong ka pela go ya ka moo go kgonegago le ka mokgwa wo itšego.
Ahlaahla dipelaelo tša badiredi ka bonnete le ka go tshwana.
Rarolla dipelaelo ka pela go ya ka moo go kgonegago.
C. METHEO YA KAKARETŠO
Pelaelo e tla rarollwa fela ge modiredi a amogela tharollo yeo e šišintšwego.
Ga go modiredi yoo a tla tšhošetšwago ka mokgwa ofe goba ofe ka baka la gore a latetše Tshepetšo ya Dipelaelo.
Ge pelaelo e sa rarollwa lebakeng la nako leo le beilwego, goba e se e ahlaahlwe ka go kgotsofatša, e tla no tšwela pele kgatong yeo e latelago.
Modiredi o tla ba le tokelo ya go emelwa ke mošomammogo wa gagwe ka dikgato kamoka tša tshepetšo ya Dingongorego.
D. DIKGATO TŠA TSHEPETŠO YA DINGONGOREDO
KGATO 1
Ge modiredi a belaela, o tshwanetše go kgopela go boledišana le mohlahlobedi wa thwii ka pela ka moo go kgonegago. Mohlahlobedi o tla boledišana le modiredi yoo a belaelago lebakeng la matšatši a mabedi a go šoma morago ga kgopelo gape o tla leka go šišinya tharollo yeo e amogelelago morago ga go theeletša modiredi.
KGATO 2
Ge modiredi a humana tharollo yeo e boletšwego ka go Kgato 1 e sa amogelege, pelaelo ya semmušo e tshwanetše go tsenywa ka go ngwala fase go mohlahlobedi wa thwii. Pelaelo yeo e ngwadilwego fase e tshwanetše go faelwa ka fase ga dihlogo tšeo di latelago: (šomiša fomo ya dipelaelo yeo e tlwaelegilego)
a Mohuta wa pelaelo b Ditšhišinyo tša go rarolla pelaelo c Tšatši le tshaeno
Mohlahlobedi wa thwii o tla boledišana ka pelaelo le ditšhišinyo tša tharollo ya gona le modiredi le moemedi wa gagwe, le go šišinya tharollo ka go ngwala fase lebakeng la matšatši a mararo a go šoma morago ga go humana pelaelo yeo e ngwadilwego fase. Mohlahlobedi wa thwii o tla fetišetša pelaelo go molaodi mogolo ge e le gore e pala go rarollwa morago ga ge lebaka la matšatši a mararo le fetile. Modiredi yoo a belaelago goba moemedi wa gagwe le yena a ka no fetišetsa pelaelo go molaodi mogolo ge e le gore mohlahlobedi wa thwii ga a arabe pelaelo yeo e ngwadilwego fase lebakeng la matšatši a mararo morago ga ge e humane pelaelo.
KGATO 3
Ge pelaelo e ka se rarollwe morago ga Kgato ya bo 2, kopano ya semmušo gare ga Hlogo ya Kgoro/Molaodi mogolo le modiredi le moemedi wa gagwe e tla tshwarwa go nyakišiša le go boledišana ka dikgetho tša go rarolla pelaelo. Kopano ye e tla direga lebakeng la matšatši a go šoma a mahlano morago ga ge pelaelo e išitšwe go Molaodi Mogolo/Hlogo ya Kgoro. Metsotso ya kopano e tla ngwalwa, gomme Molaodi Mogolo/Hlogo ya Kgoro e tla fa le go boledišana ka tšhišinyo yeo e ngwadilwego fase ya tharollo ya pelaelo le modiredi le moemedi wa gagwe, lebakeg la matšatši a mararo morago ga ge kopano e swerwe.
KGATO 4
Ge modiredi a no dula a sa kgotsofala morago ga Kgato ya bo 3, Hlogo ya Kgoro/Molaodi Mogolo goba modiredi yo a belaelago o tla fetišetša pelaelo go Molaodi Mogolo: Methopo ya Batho gomme yena o tla eletša Mohlankedi Mogolo Phethiši lebakeng la matšatši a šupa a go šoma. Mohlankedi Mogolo Phethiši o tla ba le maatla a go phetha ka pelaelo lebakeng la matšatši a lesome a go šoma.
KGATO 5
Ge modiredi a no dula a sa kgotsofala morago ga Kgato ya bo 4, go ka no begwa kgakgano ya semmušo go ya ka dikgonegišo tša Molao wa Dikamano tša Bašomi (LRA).
TLALELETŠO YA A
FOMO YA PELAELO
Fomo ye e tshwanetše go tlatšwa ke modiredi yoo a belaelago yoo a ratago go rarolla pelaelo go ya ka ditokelo le ditshepetšo tše boletšwego ka gare ga Tshepetšo ya Pelalelo. Fomo ye e tshwanetše go fiwa Mohlankedi wa Methopo ya Batho lebakeng la matšatši a mararo morago ga ge pelalelo e sa rarollwa ka Kgato ya bo 1.
Leina la modiredi: …………………………………….. Nomoro: …………………….
Moemedi wa modiredi ………………………………….
Kgoro: ……………………………………. Mohlahlobedi Thwii: ……………………………….
KGATO 1: Therišano ya semmušo
Mo modiredi o netefatšago gore pelaelo e rerilwe semmušo le: ………………………………………..ka ………………………….le gore ga go na tharollo ya go kgotsofatša yeo go kwanwego ka yona.
KGATO 2. Mohlahlobedi thwii:
Modiredi o belaela ka baka la gore:………………………………………………………………………. ……………………………………………………………………………………………………………………..
Modiredi o šišinya ditharollo tša pelaelo tšeo di latelago: ……………………………………….
Tharollo yeo e šišinywago ke mohlahlobedi wa thwii wa modiredi: …………………..………………………….
Modiredi – O a amogela – O a gana – tšhišinyo yeo e dirilwego ke mogolo.
Modiredi: ……………………………… Moemedi: …………………………………
Mogolo: ………………………………. Tšatši: ………………………………………..
KGATO 3: Molaodi Mogolo/Hlogo ya Kgoro yeo e rwelego maikarabelo.
Modiredi ga se a amogele ditšišinyo tša tharollo tša pele ka mabaka ao a latelago: ……………………….
Tharollo yeo e latelago e be e šišintšwe ke molaodi wa modiredi: ……………….………………………………
Modiredi – O A AMOGELA – O A GANA – Tšhišinyo yeo e dirilwego ke molaodi.
Modiredi: ………………………………. Moemedi: ……………………………………..
Molaodi: ……………………………….. Tšatši: …………………………………………………..
KGATO 4: MOLAODI: Methopo ya Batho
Modiredi ga se a amogele tšhišinyo ya tharollo ya pele ka mabaka ao a latelago: …………….……………
Tharollo yeo e latelago e be e šišintšwe ke Mohlankedi Mogolo Phethiši: ……………….…………………………..
Modiredi – O A AMOGELA – O A GANA – tšhišinyo yeo e dirilwego ke Mohlankedi Mogolo Phethiši.
Modiredi: ………………………… Moemedi: ………………………………………..
Molaodi: Methopo ya Batho: ………………………….. Tšatši: ……………………………………………..
KGATO 5: Tshepetšo ya pelaelo
Modiredi ga se a amogele tšhišinyo ya tharollo ya pele ka mabaka oa a latelago: ………………….…….
Yunione le Bolaodi ba boledišane ka pelaelo gomme ba phethile go dira tiro yeo e latelago: ……………………………………………………………………………………………………………………………….
Modiredi: …………………………. Tšatši: ………………………………….
GO KOBIWA LE GO FETA TEKANYO
Matseno
Lekgotla le bona go thwalwa leruri e le kamano ya lebaka le le telele gare ga modiredi le mothwadi. Ge maemo ao a itšego a tsebega gore ke a lebaka leo le kgaoleditšwego, Lekgotla le tla leka go tlatša maemo ao ka kontaka ya lebaka leo le kgaoleditswego goba ka go thwala motho nakwana lebaka leo le boletšwego. Ka fase ga maemo ao a tlwaelegilego, Lekgotla le tla leka go phefa go fokotša badiredi mošomong, empa ge go sa kgonege go phefa, ditshepetšo tšeo di latelago di tla latelwa. (Mabakeng kamoka, tše bohlokwa tša Molao wa Kamano ya Badiredi (LRA) di tla šoma).
Ditlhalošo
Go fokotšwa modirong ka tlwaelo go tla direga ge Lekgotla le tshwanetše go fokotša badiredi ka mabaka a tshepetšo. Mabaka a bjalo, a ka no tsenya gare ga a mangwe, go tswalelwa ga ditshepetšo tše nyenyane ge e le gore dikabo tša go tšwa go tšona di tšewa ke dipeakanyo tše di kgolwane. Lebakeng le, batho bao ba amegago ba ka no nyakega gape ka morago ge e le gore ditshepetšo tša Lekgotla di a oketšega goba mešomo ye mengwe e ba gona.
Go feta tekanyo ka tlwaelo go tlhaga ka baka la tšwelopele ya theknolotši, motho ga a sa nyakega go diragatša modiro goba tiro yeo e itšego. Ge tiro e dirwa ke motšhene goba e se sa nyakega, modiro wo bjalo ga o sa tšwetšwa pele leruri gomme mang goba mang yoo pele a bego a dira tiro ye bjalo a ka thwalwa ka leswa mošomong wo moswa fela.
Magato ao a šalwago morago
Ge bolaodi bo bona gore pego ya go fokotšwa goba ya go feta tekanyo e tshwanetše go dirwa, magato ao a latelago a tshwanetše go tšewa :
Akanya ka ditsela tša go phefa go fokotša mediro;
Tsebišo ya ka pela ya maikemišetšo a go fokotša goba go bega gore badiredi ba fetiša tekanyo;
Tsebišo ya mekgatlo ya go emela badiredi;
Ditherišano le badiredi le mekgatlo yeo e ba emelago
Tšhalo morago ya Molao wa Ditlamo tša Thwalo tša Theo le/goba Kontraka ya Tirelo yeo e šomago go modiredi yo mongwe le yo mongwe yoo a amegago;
Šomiša mekgwa ya go kgetha ya go fokotša modirong;
Boledišana le badiredi bao ba yo angwago ke go fokotšwa goba go feta tekanyo
GO FOKOTŠWA LE GO FETA TEKANO
Magato a Thibelo
Ke maikarabelo a Lekgotla go tla ka mekgwa yeo e tla kgonago go thibela, goba bonyane e fokotše tlhoko ya go fokotša batho. Mekgwa ye bjalo e tshwanetše go diragatšwa ka therišano le badiredi le go tsebišwa ga mekgatlo ya maswanedi ya go emela badiredi. Ditiro tšeo di latelago di ka no akanywa, empa lenaneo le ga se le tshwanele go tšewa le feleletše goba le ena le ditlogelo.
Ditšhutišetšo go dipolante tše dingwe ka gare ga Lefelo la tshepetšo ya Lekgotla;
Phedišo ya nako ya phetedi;
Go šoma nako ye kopana ka mogolo wa fase woo o šomago go badiredi;
Tlogela go thwala badiredi ba go tšwa ka ntle ga mokgatlo ntle le baprofešenale bao Lekgotla le sa ba thwalego;
Go beakanya le Makgotla a mangwe a Meetse / diintasteri tša gae go thwala badiredi bao ba amegago; le
Dibaka tša go rola modiro ka pela.
Tsebišo le Therišano
Lekgotla le tla tsebiša badiredi le mekgatlo yeo e ba emelago ka bjako morago ga ge le lemoga gore go fokotšwa goba go feta tekano e ka no ba nnete. Tsebišo ye e tla fiwa badiredi ka moka bonyane kgwedi ye tee ya khalentara pele ga ge tsebišo e fiwa badiredi bao ba ka no amegago. Lebakeng leo, Lekgotla le modiredi/badiredi bao ba fapanago ba tshwanetše go rerišana le makoko kamoka ao a amegago go leka go diragatša mekgwa ya thibelo ya ka godimo go fihla moo e lego gore go a amogelwa ka kakaretšo gore ga go selo se sengwe seo se kwalago seo se ka dirwago go thibela go fokotšwa goba go feta tekano ga badiredi. Phedišo ya tirelo e tla diragatšwa matšatši a go ba ka fase ga a masometharo a khalentara morago ga ge modiredi yoo a amegago a filwe tsebišo ya go fokotšwa yeo e ngwadilwego fase.
GO FOKOTŠWA LE GO FETA TEKANO
Go phetha badiredi bao ba amegago
Dintlha tšeo di latelago di tshwanetše go tšeelwa hlogong ge go phethwa gore ke badiredi bafe bao ba tshwanetšego go fokotšwa. Ka nako ya therišano, go tshwanetše go phethwa gore ke dife tša dintlha tše tšeo di tshwanetšego go šomišwa le boima bja ntlha ye nngwe le ye nngwe ge go bapetšwa. Leaneo la ka fase le a bontšha gomme ka fase ga mabaka a nako yeo le mabaka a mangwe a ka no tšeelwa hlogong. (Lenaneo ka moo le filwego ka gona ga go na maikemišetšo a gore le be ka tatelano efe goba efe go ya ka bohlokwa goba tekanyo.)
Bokgoni bjo kgethegilego, thutelo le maitemogelo;
Papalo ya mošomong le kgontšhago;
Botšweletši;
Mengwaga ya tirelo;
Mabaka oa a kgethegilego ao go kwanwego ka wona.
Bolaodi bo tla thala lenaneo la badiredi bao ba angwago ke go fokotšwa goba go feta tekanyo goo go ukangwago ka nepego go ya ka dintlha tša boima tšeo go kwanwego ka tšona. Ditšhelete tšeo badiredi bao ba swanetšego go di humana di tla balwa, go balwa le ditefo tša go tšwa go dikhwama tša go rola modiro, lifi yeo e kgobokeditšwego, bjbj. Tsebišo ye e tla tšewa e le ya sephiri gomme e ka se be ya kakaretšo.
Poledišano le badiredi bao ba amegago
Bolaodi bo tla beakanya gore badiredi bao ba amegago ba be le dipoledišano le Molaodi wa Methopo ya Batho goba mohlankedi yoo a laetšwego ke yena. Modiredi o tla ba le kgetho ya gore moemedi wa badiredi a be gona poledišanong. Ka nako ya poledišano tsebišo ya go fokotšwa goba ya go feta tekano yeo e ngwadilwego fase e tla fiwa modiredi gomme e tla bolela tšatši la go fetša go šoma mmogo le neo ya ditšhelete yeo e yo fiwago modiredi. Modiredi le/goba moemedi wa modiredi ba tla ba le sebaka sa go botšolotša mohlankedi yoo a amegago. Ba tla fiwa gape le sebaka sa go tsebiša Molaodi wa Methopo ya Batho ka mabaka afe goba afe ao a kgethegilego ao ba bonago okare a ka no khuetša sephetho sa go fediša tirelo ya modiredi.
Bolaodi bo tla lekola leswa go fokotšwa ga badiredi bao ba dirilego dikemedi tšeo di kgethegilego. Ge ofe goba ofe wa bona a tšewa a le bohlokwa ka moo go lekanego gore tsebišo ya go fokotšwa e bušetšwe morago, go tla boledišanwa ka taba yeo le modiredi yoo a amegago, mokgatlo wa go emela goba badiredi ka bobona go phetha ge e le gore ba ka no humana modiredi yoo a ithaopago go fokotšwa legatong la modiredi yoo a šišintšwego, goba go tliwe ka se sengwe seo se amogelwago.
GO FOKOTŠWA LE GO FETA TEKANO
Tefo ya go fedišwa ga tirelo
Dineo tšeo di fiwago badiredi ge ba fokotšwa goba ba feta tekano go tla boledišanwa ka tšona gape di tla phethwa ka gare ga dikgonegišo tša Molao wa Ditlamo tša Thwalo tša Theo gomme di tsenya, ka gare ga tše dingwe, mengwaga ya tirelo yeo e feditšwego le llifi ya maikhutšo kamoka yeo e kgobokeditšwego, tirelo ya lebaka le le telele, ponase ya tirelo ya lebaka le le telele le tefo ya go tšwa go sekhwama sa profidente bjalo ka ge e phethilwe ke melawana ya sekhwama. Ge e le gore go a kgonega, badiredi ba tla dumelelwa go tlogela ditefo tša bona go sekhwama sa profidente e le tefo yeo e feditšwego.
TLALELETŠO GO : MOLAOTSHEPETŠO LE TSHEPETŠO YA METHOPO YA BATHO
TLALELETŠO A
KWANO YA PAPALO YA BALAODI BAGOLO
Kwano ye e hlaloša ditebelelo tša Lekgotla tša papalo ya gago lebakeng la mengwaga ye mene la Kontraka ya Papalo. E kgonegiša mokgwa wa go lekanyetša papalo ya gago go theilwe go dinywakwa tšeo di boletšwego ka gare ga Hlalošo ya Mošomo ya gago le Mafelo a Papalo a Bohlokwa. Dinyakwa tše di amanana le Maano a Mošomo a Ikangala Water ao bontši a itshepilego papalo yeo e kgontšhago ya Molaodi Mogolo yo mongwe le yo mongwe gore a fihlelele dipoelo tšeo di lebeletšwego. O kgopelwa go tlatša Kwano ka tšatši leo o thomago go šoma ka lona, bjalo ka ge go hlalošitšwe ka go temana 1 ya Kontraka ya Thwalo ya gago ya tšatšikgwedi…………..
Kwano
Kwano ye ya papalo e gare ga Ikangala Water (Mothwadi) le Morena/Mohumagadi (Modiredi) gomme e tlama makoko a mabedi.
Mothwadi o ikgafela go fa hlahlo yeo e tlhokegago le dibaka tša tšwelopele, kgakollo, keletšo taolo ya boiphedišo le dimpho tša maswanedi go modiredi yoo a ikgafetšego ebile a bapala ka kgontšhago.
Modiredi o ikgafela go latelela dinyakwa kamoka tšeo di hlalošitšwego ka gare ga Kwano ya Papalo, tšeo di tsenyago Hlalošo ya Mošomo (Tlaleletšo A) le Tekololeswa ya Papalo (Tlaleletšo B).
Lebaka la Kwanao ye e tla ba go tloga ka tšatši leo le saenilwego ka gare ga Kwano ye go fihla .
Diotekololeswa di tla dirwa dikgwedi tše dingwe le tše dingwe tše tshelela lebakeng leo le tletšego la kontraka.
Ga go diphetogo go Kwano ye tšeo e tla bago tša nnete ka ntle le ge di ngwadilwe fase le go saenwa ke makoko ka bobedi godimo ga Kwano ye.
Dingangišano mabapi le diteng tša Hlalošo ya Mošomo, Mafelo a Papalo a Bohlokwa, dinyakwa, ditebo, dinako, tšeo di beetšwego pele, mekgwa ya tekololeswa/tekanyo, dimpho tša ditšhelete le merero yeo e amanago di tla ahlaahlwa ke yoo a latelago yoo a nago le taolo ya godingwana. Ge dingangišano di ka no dula di sa rarollwa modulasetulo wa Lekgotla o tla nyakišiša dintlha kamoka tša maswanedi morago ga go rerišana le makoko ao a amegago, gomme a fe sephetho sa mafelelo ka taba.
Boikgafo
Ke ikgafela go latelela dihlalošo kamoka tša ka gare ga Kwano ye, go balwa le Ditlaleletšo tša gona.
Maina a botlalo :
Tshaeno : Tšatši :
Legatong la mothwadi :
Maina a botlalo :
Tshaeno : Tšatši:
TLALELETŠO B
Lekunutu
TEBELELO LESWA YA PAPALO YA KGWEDI TŠE TSHELA
Kwano ya papalo
Tebelelo le swa ye e akaretša lebaka la go tloga ka go fihla ka
Mong modiro : Maina a botlalo :
Thaetlele :
Molekodi : Maina a Botlalo :
Thaetlele :
Molaodi wa Molekodi : Maina a Botlalo :
Thaetlele :
Hle hlokomela : Mong modiro mmogo le molekodi ba tshwanetše go boloka khopi ya tekolo leswa ye go netefatša gore tšhalo morago yeo e tšwelago pele le kaonafalo ya papalo di a direga,
Bjalo ka ge go kwanwe ka gare ga tokomane ye.
Mafelo a papalo a botlhokwa
Mong modiro le mothwadi ba kwane ka di KPA/maikemišetšo tšeo di latelago mathomong a lebaka la tekolo leswa. Gore dinywakwa tša papalo di kgotsofaditšwe go fihla kae go lekanyetšwa ka sekala sa dintlha tše dine seo se thomago ka:
: Ga a kgotsofatše dinyakwa tša bonyane; go fihla go
: Ka mehla o fetiša dinyakwa
Lefelo la papalo le botlhokwa/Maikemišetšo a itšego (Tlhalošo ye kopama)
Diswayaswayo : …………………………………………………………………………..
Lefelo la papalo le botlhokwa/Maikemišetšo a itšego (Tlhalošo ye kopana)
Diswayaswayo : …………………………………………………………………………..
Lefelo la papalo le botlhokwa/Maikemišetšo a itšego (Tlhalošo ye kopana)
Diswayaswayo : …………………………………………………………………………..
Lefelo la papalo le botlhokwa/Maikemišetšo a itšego (Tlhalošo ye kopana)
Diswayaswayo : …………………………………………………………………………..
Lefelo la papalo le botlhokwa/Maikemišetšo a itšego (Tlhalošo ye kopana)
Diswayaswayo : …………………………………………………………………………..
Lefelo la papalo le botlhokwa/Maikemišetšo a itšego (Tlhalošo ye kopana)
Diswayaswayo : …………………………………………………………………………..
Lefelo la papalo le botlhokwa/Maikemišetšo a itšego (Tlhalošo ye kopana)
Diswayaswayo : …………………………………………………………………………..
Lefelo la papalo le botlhokwa/Maikemišetšo a itšego (Tlhalošo ye kopana)
Diswayaswayo : …………………………………………………………………………..
Lefelo la papalo le botlhokwa/Maikemišetšo a itšego (Tlhalošo ye kopana)
Diswayaswayo : …………………………………………………………………………..
Lefelo la papalo le botlhokwa/Maikemišetšo a itšego (Tlhalošo ye kopana)
Diswayaswayo : …………………………………………………………………………..
BOKGONI BJA BOETAPELE/BOLAODI
Ka lebaka la tekolo leswa, mong modiro o kgotsofaditše go fihla kae dinyakwa tša bokgoni bja boetapele/bolaodi gore papalo ya gagwe ya modiring a atlege.
Šomiša sekala sa dintlha tše dine go lekanyetša papalo, tšona ke
: Ga a kgotsofatše dinyakwa, go fihla go
: Ka mehla o bontšha papalo ya botse kudu
Bokgoni (Tlhalošo ye Kopana)
Taolo ya methopo, mohlala, ditšhelete, batho
Taolo ya Kgoro ya gagwe
Taolo ya tekanyetšo
Taolo ya phetogo le phetogelo
Tšwetšopele ya bašomammogo
Go šomiša mogopolo
Tshwaro ya barekedi
Maatlafatšo ya bangwe
Bokgoni bja go beakanya le go bea dilo go ya ka bohlokwa
Boikgafo go Lekgotla, modiro le badiredi
DIPHIHLELELO
Lekola leswa ditiragalo tše bohlokwa tšeo di gatelelago katlego goba diphihlelelo. Hlaloša ye nngwe le ye nngwe ka bokopana
MAFELO A TŠWELOPELE
Lekola leswa ditiragalo tše bohlokwa lebakeng la dikgwedi tše tshelela tšeo di fetilego tšeo di bontšhago mafelo ao a kaonafetšego le ao a ka no tšwelago pele. Bontšha mehlala.
MAANO A TŠWELOPELE
Bontšha Tlhahlo/tšwelopele yeo e tlhokegago go thuša mong modiro go ba le bokgoni, tsebo, maitshwaro a go kaonafala le go ba le bokgoni bja modiro.
Tlhoko ya tlhahlo le tšwelopele
Tiro yeo e šišintšwego
Tšatši la phetšo
MAIKEMIŠETŠO AO GO KWANWEGO KA WONA DIKGWEDING TŠE TSHELELA TŠEO DI LATELAGO
Tlhaloša maikemišetšo a itšego ao go kwanwego ka wona ao mong modiro a a tlhokago dikgweding tše tshelela tšeo di latelago.
Maikemišetšo
Ditiro
Tšatši la bofelo
PAPALO YA KAKARETŠO
Tlhalošo ya papalo ya kakaretšo :
Diswayaswayo (molekanyetši) :
Tshaeno ya molekanyetši Tšatši
Tshaeno ya Molaodi wa Molekanyetši Tšatši
